2017美食博覽 掃食指南 布丁燒+巨型墨魚+黑松露大魚蛋

撰文：Helen、Jacky| 攝影：Man、Manson

2017美食博覽 場內小吃大晒冷！

今屆參展商數目打破歷年紀錄，記者今天落場試食了幾十個攤位，發現不少吸引的美食，立即看看！

札幌名物 卡通布丁燒

年半前，元朗小店賣布丁燒，日日排長龍，未食過的朋友，今次就可以在美食博覽食到啦！

這次布丁燒上燒上 Melody 、Little Twin Stars 同蛋黃哥等圖案，更吸引人眼球！雞蛋布丁加上乳酪芝士蛋糕，面淋上焦糖漿，蛋香濃郁，質感較為結實。

茶記變奏! 即煎咸牛肉多士

多士夾住鹹牛肉碎，加上厚厚的芝士餡，老闆更說足料到拉開可達2米長，多士外脆內軟，加上咸牛肉餡，食落都幾飽肚，所以老闆通常以2小件(半份)出售，可以跟朋友Share。

黑松露+Raclette芝士+長洲大魚蛋

長洲大魚蛋，又有新玩法！淋上黑松露醬和Raclette熱熔芝士，濃濃黑松露香味撲鼻，與奶味濃厚的芝士十分配合。

原隻即切！ 西班牙黑毛豬火腿

大大隻西班牙伊比利亞黑毛豬火腿放在攤位中，店員原隻即場切，火腿油份豐富，不會太乾硬，但淨食味道偏鹹，不妨買杯飲品一齊食。

即切芝士 瑞士熱溶芝士新薯

博覽中，芝士產品跟前幾年一樣大行其道，其中一個set以熱溶芝士，配火腿、新薯、酸洋蔥、酸青瓜，新薯和芝士搭配起來較黏身，但不會太膩。

巨無霸！ 懷舊滷水大墨魚

現場還有款Size驚人的大墨魚，大到差不多把湯鍋填滿。工作人員用滷水即場浸煮入味，煮熟後，切成細細塊賣，似舊時的車仔檔，墨魚身質感彈牙，墨魚腳則相對軟滑，滷汁帶微甜，很不錯。

台灣傳統 足料刈包

場內亦有台灣傳統小食刈包，由滷五花肉夾饅頭，同時包著花生粉、酸菜和香菜等，餡料十足，但五花肉略肥。

台灣 $15 紅燒羊肉麵

由來自台灣的急凍熟麵公司推出，$15便可吃到紅燒羊肉麵，配料數量絕不輕手，這價錢來說十分抵！

期間限定！章魚燒雞蛋仔

雞蛋仔又有新鮮配搭，以軟糯的章魚燒和香脆的雞蛋仔，裡面更食到章魚粒！

貓山王 榴槤果棒

以往貓山王果棒只可買盒裝，但現時在美食博覽可單買一枝試食，入口滑溜，啖啖榴槤香。

場內亦有其他甜品，包括芋圓、雪糕和水果茶等。

熊本熊包裝的綠茶吉士蛋糕，只在博覽中有售，包裝可愛，最適合買禮送人。

多款大熱班戟！

現場更有多款班戟，有使用麵粉成分的，或只用蛋白製成的，不過部分攤位的店員手勢比較生疏，味道就一般般。

焦糖梳乎里班戟 $40

同場其他特色產品

豆腐火腩飯向來在香港茶餐廳十分受歡迎，現時推出罐頭版，更於今年美食博覽首次面世，$15一罐不算過份，有興趣的朋友買罐試試也無仿!

美食博覽

地址:灣仔香港會議展覽中心 Hall 1 & 3（顯示地址）
時間: 8月17日至8月20日10am – 10pm，8月21日10am – 6pm
收費:公眾館門票: $25 / 公眾館+尊貴美食區: $40
備註:尊貴美食區只開放至8月20日

延伸閱讀：