夜鬼出動！ 尖咀任叫 $2雞翼 +$5吉列炸蠔 醉雞Cocktail勁搞鬼！

撰文：Joan 攝影：Him

晚晚供應 $2雞翼

宵夜優惠每晚10pm後供應，只要任點一款過$45的飲品，就可以$2優惠價，無限任點原價$68/4隻的雞翼，超抵食！雞翼共有4款口味，分別是炸原味及辣味、焗土匪和醉雞口味，大廚選用匈牙利雞翼，大隻多肉，一定滿足到各位食肉獸！另外還有$5/隻吉列炸日本蠔，蠔味重，送酒最啱！

每晚10pm後供應，可以無限量Order。

新推出的醉雞翼，用Cocktail杯裝着，造型好搞鬼，一上枱就聞到陣陣酒香，原來大廚先把雞翼和紹酒、玫瑰露和杞子浸足12小時，所以不止雞皮，就連入面的雞肉都好有酒味！

醉雞翼是凍食，用Cocktail杯把醉雞汁都一併裝着，好搞鬼。

另有土匪、炸原味及辣味雞翼，每次最少Order兩隻。

炸雞翼有原味和辣味，辣粉是大廚自己調配，微微辣，炸得十分香口，非常適合佐酒。

不愛吃炸雞翼，可選焗土匪雞翼，用了孜然、五香粉和大量黑芝麻調味。

覺得雞翼未夠重口味的，亦可點辣醬或茄汁。

$5/隻吉列炸蠔用日本蠔，雖然細細隻不太有口感，但勝在蠔味夠重。

有電視＋直播足球賽事！

$2雞翼和$5炸蠔的優惠，要先Order飲品才可享用，選擇有果汁、啤酒或Cocktail等，邊食雞翼邊飲酒，又有電視睇，好適合一大班朋友gathering。

用菠蘿汁、椰子酒和冧酒調配，微酸解渴，最啱配炸雞翼。

下層藍綠色像不像草地？上層的泡泡又像不像雲朵？調酒師想營造空中花園的感覺，用了薄荷、Vodka、冧酒和奶調成，入口清涼。

餐廳有兩部電視，晚上更會放下投影屏，不定期直播足球賽事。

Cosmos Restaurant & Bar

地址：尖沙咀寶勒巷27號東滙商業大厦地舖（顯示地圖）
電話：2948 2828
營業時間：星期日至四12nn-1am、星期五及六12nn-3am

特價雞翼及吉列蠔時段（優惠至6月尾）：星期日至四10pm-1am、星期五及六10pm-3am。消費任何飲品滿$45（加一前計算），即可享用$2/隻雞翼及$5/隻吉列蠔 （雞翼每客以兩隻為單位，每次可點客數不限。）
備註：設加一，收現金及信用卡。建議先以電話訂座

延伸閱讀：