【18區掃食】 屯門 置樂 掃盡5間親民食店!懷舊粉仔+慢煮牛坑腩+炸雞熱狗
撰文：Oscar、新假期飲食組｜攝影：Oscar
置樂 學生至愛 大球雪糕拼Ｑ餅
「心思思」平民小食店，最得意的是店家以雪糕來搭配不同的小食，如格仔餅及Q餅等，頗有新意，每日都吸引不少 置樂 附近的學生前來食Tea！冷熱的組合，一口咬下冷冷的雪糕與熱烘烘的Q餅，加上朱古力醬和忌廉，雪糕又大大球，十分過癮的口感！
雞髀手掌那麼大，鹵水汁夠香甜，吃完已經有飽肚感，$16 來說也算抵食！
瑞士汁不比鹵水汁遜色，同樣香甜，雞翼有三隻，份量充足，同樣抵食！
心思思平民小食店
地址：屯門屯利街1號華都商場1樓63號 (顯示地圖)
電話：6891 2278
營業時間：星期一至日11am-10pm
邪惡熱狗店！芝士魚柳＋拳頭大炸雞熱狗
華都商場內的人氣小食店，除了是學生最愛，不小家長都會拖著小孩來光顧。最有名的是店內的特色熱狗，除此之外，店內還有很強邪惡炸物！
四大件炸雞，配上大大片蕃茄，麵包焗得外脆內軟，惹味脆卜卜。
QQ魚堡 $29
整條長長炸魚柳被滿滿的沙律醬、芝士和香草舖蓋著，十分邪惡！魚柳炸得香脆，肉質亦夠嫩。
掌心般大，紫薯與栗子的比例剛剛好，紫薯味香，吃下去真想大叫一聲「好味」！
芝士和肉醬，滿滿的舖在薯條上，啖啖芝味！
Delicious
地址：屯利街1號華都商場2樓65B舖(顯示地圖)
營業時間：星期一至日12nn-10pm
平價掃小食 粉仔、腸粉、車仔麵
置樂這粉仔檔，陪伴很多屯門友成長！除了粉仔，還可吃車仔麵、腸粉，以及不同的街頭小食，價格便宜，深受街坊歡迎！
粉仔看上去細細碗，但其實份量很多。最正是枱上任添的辣菜甫，超惹味！
相當足料，牛栢葉爽口，魷魚軟硬適中，咖喱汁香辣味濃，加了生菜減少油膩感。
鹵水香甜帶微甘。雞翼相當入味，$16有4 隻，抵！
辣得過癮，鳳爪大隻厚肉、份量多。
粉仔檔
地址：屯門青河坊2號麗寶大廈地下1號舖(顯示地圖)
電話：2458 0859
營業時間：星期一至日7am-8pm
$60食魚翅撈飯 酒店級分子料理
由前5星級酒店大廚主理，店內的分子料理，全由他鑽研出來。店內裝潢雖簡陋，但食物絕對有水準。
翅羹中加南瓜溶和野菌，喝下有陣火腿煲雞的順喉甘香，翅不多但膠質重，配上粒粒分明的炒飯，食平翅何須過大海。
牛腩需用新西蘭雪藏貨，但經慢煮細燜，入味鬆化，牛根更是極品，蘿蔔另外用上湯煮開，蘿蔔心也入味，且嫩而無渣。
雞每日只蒸兩隻，以低温蒸製兩至三小時，雞皮下一層油脂給蒸成化口的啫喱，肉質亦見細嫩。
文聚分子料理
地址：屯門屯利街1號華都商場地下2C號舖(顯示地圖)
電話：6857 9993
營業時間：星期一至日11:30am-9pm
廿蚊有找 飲咖啡＋抹茶Latte
位於社區小角落的咖啡店，裝潢以白色為主調，相當簡潔。咖啡及小食價錢相當親民，沒想過在香港可以$20 喝到一杯即磨咖啡。
抹茶latte味道自然，濃淡得宜，夾雜奶香，以這麼便宜的價錢來說，實在不喝不可。
三款三文治，分別是吞拿魚、芝士火腿（芝士極邪惡）及蛋黃醬，每款都足料，烤得微焦。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
