$1.5包懷舊鱈魚絲! 街坊熱捧日本直送零食禮盒店
廣告
冇錢去日本旅行，想食日本食物，如蛋糕、泡芙、雜錦菓子等，香港有日本代購但貴到買唔落手，依家唔駛捱貴嘢喇～觀塘有間老店專賣日本直送禮盒，簡直係平靚正！除咗禮盒之外，呢度亦都有唔少日本新款零食，仲有童年回憶嘅零食添！
呢間老店由2003年經營至今，每日都有唔少街坊嚟幫襯。老闆樣樣親力親為，非常有耐性向客人介紹每一款禮盒，有時仲讀盒上嘅日文，慢慢解釋畀你聽，幫你揀到啱心為止！
日本直送禮盒 $50一盒！
呢度有大量日本直送禮盒，每款來自唔同地區，仲有唔少係限定禮盒，有好受歡近的日本北海道夕張蜜瓜蛋糕、京都宇治抹茶蛋糕、東京限定香蕉饅頭等等，多到你花多眼亂！而且日本禮盒一向夠靚夠得體，送畀人一d都唔失禮！
超可愛日本新款零食！
除咗日本禮盒，呢度仲有唔同種類的新款日本零食，連期間限定產品都有，好吸引～好多都好想買呀！
童年回憶！兒時懷舊零食
店內堆放咗好多唔同零食，你細心d搵，仲會有驚喜！我哋發現有唔少兒時零食，好似鱈魚絲、爆炸棉花糖等等，見到佢哋有一種熟悉嘅感覺，好懷念！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
