龍門冰室推米芝蓮外賣！即食＋餸包加熱都得 惹味咖喱豬扒／超濃粟米肉粒｜外賣食乜好
廣告
龍門冰室有新搞作，聯乘有米芝蓮星級大廚坐陣的食物研究所O’chef lab，推出不一樣的米芝蓮級茶餐廳菜式，餐牌不時轉換，少不了有咖喱豬扒、粟米肉粒、豆腐火腩等，無論外賣買走即食抑或餸包加熱款式都有，有大廚坐陣，連茶記頹飯都有驚喜！
撰文：Lu｜攝影：新假期編輯部
龍門冰室 x O’chef lab
米芝蓮大廚炮製地道茶餐廳菜式
有不少網民指龍門冰室的食物味道一般，老闆為求進步，與O’chef lab合作推出新餐牌，用上摘得19粒星的米芝蓮法廚Oliver Elzer的食譜，改造一系列茶餐廳經典美食，所有菜式定價一律$65，跟餐湯及飲品，價錢也不算便宜，記者今次就試了其中幾款外賣，即睇性價比如何！
咖喱豬扒焗意粉、洋葱汁雞扒三蛋飯
說到茶記當然要講大件夾抵食的扒類，先說咖喱豬扒焗意粉，一打開蓋咖喱香撲鼻，豬扒厚切沾上芝士再焗，不過肉質略嫌有點乾，意粉彈牙好吃，醬汁微辣帶香。而蒜香洋葱汁雞扒三蛋飯，雞扒煎的焦香，刺破3隻太陽蛋的蛋汁，撈飯一流。這兩款菜式味道不錯，頗有水準。
豬扒上加有芝士再焗，賣相不錯。
雞扒、雞蛋和醬汁分開上，以免弄破蛋汁或浸軟雞扒。雞扒煎得香脆，肉嫩有雞油香，蛋汁撈飯一流！
這款當下午茶小食都不錯，蛋黃醬帶酸十分開胃，可以中和薯角的油膩感。
包裝餸包！粟米肉粒、豆腐火腩飯
除了有即食類，外賣也有從O’ chef lab直接取貨，以銀色小袋包裝的菜式，一包一個餸，再加以錫紙兜放好的白飯和配料，十分衛生整潔。可以選擇倒出來即食，或者放雪櫃到想食時才取出加熱。粟米肉粒飯有驚喜，粟米汁非常濃稠creamy，不似一般茶記出品的玻璃芡，而肉粒切成四方，肉質軟稔，惟肉味不夠突出。豆腐火腩飯則有點失望，雖然份量多，但整體味道較淡。
餸包可以置於雪櫃冷藏後再加熱，醬汁濃稠，似是以粟米濃湯撈飯一樣，非常creamy。肉粒軟腍，肉味再濃一點更佳。
外賣會配白飯及配菜，這款整體來說味道清淡，豆腐用的是日本高野豆腐，口感較結實，腩肉份量也不少。
每款菜式跟大廚調配的各式餐湯，款式有南瓜湯、粟米湯、薯仔洋葱湯等，比一般的紅白湯更有新意。
餐廳：龍門冰室（瓏門冰室）
地址：銅鑼灣登龍街28號永光中心地舖（顯示地圖）
電話：2413 4168
營業時間：星期一至日 7am-1am
招牌菜：粟米肉粒飯、食肉獸雜扒套餐、鮮茄豬扒焗飯
Facebook專頁：龍門冰室/瓏門冰室
備註：荃灣、沙田、尖沙咀、紅磡店亦有供應龍門冰室 x O’chef lab餐單。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
