【出街搵食】30款懷舊點心放題 人手包製 鐵片灌湯餃＋蛋煎糯米雞 |灣仔中菜|
廣告
平時日式放題大家食得多，有試過中式的點心放題嗎？這間灣仔的粵菜廳，逢星期一至六的午市也供應點心放題，可任食懷舊點心近三小時。30款點心全部以人手包製，即叫即做，當中更有不少已經式微的懷舊點心，如鐵片灌湯餃、蛋煎糯米雞、雞球大包等，做法忠於傳統，值得去嚐嚐！
點心放題 向懷舊點心致敬
主廚黃師傅，因曾在深灣遊艇會任職，中菜、點心功夫紥實，有感傳統味道逐漸式微，因此一年多前推出放題點心，向懷舊點心致敬。放題的30款選擇全部以人手包製，即叫即做，$198包茶芥，連加一$220有找，食足近三小時。
傳統鐵片灌湯餃＋蛋煎糯米雞
當中灌湯餃最為特別，當坊間為求方便快捷，都以上湯浸著餃來奉客，這裡就忠於傳統，把材料、湯汁完全包在餃內，真正灌湯入餃，再以鐵片盛載，咬下湯汁湧出，十分過癮，印象中現時只有鳳城酒家才有做。
蛋煎糯米雞同樣花功夫，過往是粥店小食，以生糯米包裹雞肉、鹹蛋黃和瑤柱等材料蒸熟，再沾蛋漿下鑊煎，入口香脆煙韌。
巧手點心 用料上乘
點心用料上乘，加上不少罕見款式，味道和環境都是酒店水準，也算值回票價。唯一不夠貼心的是點心不可逐粒柯打，而是一籠籠為基準，建議約多啲人來吃。
金紫荊粵菜廳
地址：灣仔港灣道1號香港會議展覽中心博覽商場（顯示地圖)
營業時間：星期一至六 12nn-3pm、6:30pm-10:30pm；星期日及公眾假期 11am-3pm、6:30pm-10:30pm
點心放題供應時間：星期一至六 12nn-2:45pm（星期日、公眾假期及展覽除外）
收費：成人$198/位（已包茶芥），小童$148/位（兩位起），需另收加一。
備註：以上點心款式每星期輪流供應。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
