黑色主題料理烏卒卒炸雞漢堡【中環】

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Jul 13 2015

除了可樂，你仲食過什麼黑色食物？這間新店以「黑」為主題，打開menu一望，十樣有九樣食物都係烏卒卒，由前菜沙律、洋葱湯，到主菜意粉、薄餅及麵包，甚至連小食炸雞、炸魚及漢堡等均以黑裝上陣，點解嘅點解嘅？係咪廚師失手煮到燶晒？原來「幕後黑手」是竹炭粉、墨汁及黑蒜。總廚Jovi Lee將這三樣幕後黑手混入日常食材中，最驚喜是每日限量供應10份的「黑色味覺新體驗」，入面的炸雞黑到成炭咁，原來炸前蘸了自家製竹炭麵包糠，切開後雞肉一啲都唔乾，仲好juicy，果然無改錯名！配埋黑啤一齊飲，爽呀！

炸雞（左上）
美國雞胸蘸上自家製竹炭麵包糠炸成，外表似嚿炭，但入口Juicy，真係估你唔到。

墨汁腸（右上）
西班牙墨汁腸加了白酒、紅椒及黃椒等同燴，豬肉味濃，有淡淡的墨汁味，甜得來又帶韌勁。

黑蒜多士（左下）
烘過的西班牙麵包香脆，黑色一點點是韓國黑蒜，帶少少甜味。

帶子（右下）
竹炭多士薄脆，與北海道帶子同煎，粟米蓉味道好清甜。