【新年新滋味】傳統手工 黃金糕 好食秘技 ＠Dining娜

新年就到，要招呼姨媽姑姐好友閨蜜嚟拜年，除咗年糕同蘿蔔糕外，今年一於試新嘢，咁先係我Dining娜嘅作風！識揀梗係揀出面少有又特別啲嘅糕點啦，用傳統手工做嘅口味點睇？係咪有新鮮感得多呢？聖安娜嘅尊貴 黃金糕 用印尼地道食譜製成，仲有至尊山芋芊絲糕，都係工序繁複而有心思，味道層次細緻。想知點樣可以做到最好味？下面即刻教你！

辦年貨又想慳？喺聖安娜買各款賀年糕點同餅食，如果你有Master Card或者係聖安娜會員，喺1月15號或之前買仲著數，有69折呀！如果1月16號或之後買，都有75折㗎！

黃金糕 傳統印尼風味

黃金糕 本身叫蜂窩糕（流傳至廣東先叫黃金糕），係源於南洋娘惹嘅一種甜品。唔好睇尊貴黃金糕外表有點平凡，其實製作嘅工藝、發酵同烘烤要求好高。佢地採用咗傳統印尼食譜再加以改良，所以保留咗特別濃郁嘅椰香，但又不會過甜。要做到蜂窩孔細密而一絲絲，同時糕底冇烤燶，口感鬆軟柔韌，工序極為繁複，今日已經冇乜糕點師傅願意做了，想食都唔容易。

蒸煎並用　內軟外脆

一般人食黃金糕多數會蒸或者煎，其實想將佢嘅味道、口感提升到最高境界，秘訣係蒸煎並用。切件後先蒸3至5分鐘，已經椰香撲鼻；再放煎pan煎至兩面金黃色（每面煎8至10秒），表面輕微形成一層焦香脆面，內軟外脆，yummy！

足料厚切山芋芊絲糕

屋企人舊年買過山芋芊絲糕嚟食，食完之後個個大讚，今年我哋都會繼續encore。鍾意食芋頭嘅人一定勁like，因為佢嘅山芋絲條條厚切，真材實料，再加上用咗日本江瑤柱，香味更豐富，口感層次分明，煎香後食，香口又脆卜卜！

包羅萬有賀年禮盒

人總係貪心嘅，賀年糕點禮品就可以滿足到為食嘅嘴巴，一盒可以試勻唔同口味，真心覺得送禮、自奉都超讚。當中要推介嘅係金裝賀年糕品禮盒，裡面嘅蘿蔔糕同芋頭糕都係用金腿瑤柱炮製，用料矜貴得多。仲有今年新出嘅超強組合：特級賀年糕品禮盒，裡面有最受歡迎嘅蘿蔔糕、芋頭糕，同埋今期至hit嘅 黃金糕 ，識得食嘅你梗係唔會錯過喇。

必備經典糕點、餅食

雖然我Dining娜好鍾意試新嘢，不過最經典嘅蘿蔔糕、芋頭糕、年糕，依然係新年必食！聖安娜除咗呢啲經典款式之外，仲有桂花紅荳軟心年糕同棗皇糕，味道香香甜甜，都好深得女士同小朋友歡迎。除咗糕品之外，聖安娜仲用埋紐西蘭Anchor牛油製作法式蝴蝶酥同牛油曲奇，牛油味香濃，口感鬆化，仲有傳統人手手捲蛋卷，親戚朋友麻雀耍樂、玩啤牌時食最啱。

* 1月15日或之前，持Master Card價錢或會員價

^ 1月16-27日，持Master Card價錢或會員價