黃大仙親民價輕食新店！$48起 chill 住歎足料焗薯+特製水果茶
&you 既然由 simplylife 團隊主理，食物質素自然有保證。作為輕食版嘅 simplylife 更提供了不少 CP值極高美食，$48起有交易，非常抵食！黃大仙新店不但繼續提供焗薯、意粉、Burger 及 all day breakfast等多款輕食選擇，必食之一焗薯，仲連配料一齊去焗，勁有心思，暖笠笠好comforting嘅口感一試難忘，今次更帶來多個新配搭，相當有驚喜！
天然採光舒適開揚 遠眺獅子山美景
黃大仙新店繼續以休閒風格為主，小清新色系搭配木系裝修，給人輕鬆隨意嘅感覺。特別係呢到巧妙運用大玻璃設計，天然採光下，環境更舒適開揚。放假或是返工前喺呢度歎早餐，享受 good morning！坐喺窗邊，仲可以遠眺獅子山，真係超寫意！
早餐勁多配搭！組合清新又獨特
一日之計在於晨，無論幾早幾晏起身，能夠食到一份靚早餐，全日心情都開心啲！&you 提供多款豐富嘅早餐選擇，包括麵食、丹麥酥多士、烘三文治、全日早餐等，總有一款滿足到你。
雞扒煎蛋忌廉粟米長通粉 $49：湯底帶有濃濃嘅粟米味，同蛋汁撈勻一齊食，口感會更濃郁，層次更豐富。（圖片來源：&you）
多款風味焗薯！餡料滿瀉勁澎湃
輕食店雖然多，但平時好少食到焗薯。講到 &you 嘅招牌美食，必定係足料滿瀉嘅焗薯！由第一啖，到最後一啖都食得到薯仔和配料嘅完美結合，十分滿足。而新推出兩款焗薯採用特別嘅焗製方法，將整個薯仔連同配料一齊放入焗爐烘焗，自然更香、更惹味。
韓式辣雞焗薯 $52：焗薯同辣雞嘅完美配搭，每一口都充滿著韓式風味，辛辣滋味令人一食上癮！
煙肉酸忌廉焗薯 $48：香滑嘅酸忌廉配上脆卜卜嘅煙肉粒粒同埋大大粒嘅脆麵包粒，多重食感，絕對係又一必食配搭！（圖片來源：&you）
惹味 Comfort food！幾時食都咁滿足
生活累了，就是要用 comfort food 好好獎勵自己！偶然想放縱一下，當然要食一啲有質素嘅 comfort food 先對得住自己。&you 提供多款意粉、漢堡及小食，更有自家調配嘅水果茶，包你食完開心晒！
番茄汁慢煮鴨肉意粉 $69：鴨肉以慢煮方法烹調，肉質保留嫩滑細緻之餘，肉汁依然 juicy，配上秘製番茄汁，清新又開胃！
牛油果燒雞漢堡 $47：燒雞扒嫩滑多汁，每一口都充滿著肉汁嘅豐富滋味，絕對係肉食愛好者心頭好。而更讓人驚喜就係，綿滑嘅牛油果醬，被外皮酥脆、內裏軟綿嘅麵包吸收，增添咗整個漢堡嘅層次感，每一啖都讓人愛不釋口。（圖片來源：&you）
焗煙肉薯條 (牛油果醬.酸忌廉) $38： 煙肉碎配薯條已經夠邪惡，再加上酸忌廉嘅絲滑口感同牛油果醬嘅清新軟潤，令人食到停唔到口！（圖片來源：&you）
&you 店舖資料：
地址：黃大仙中心南館地下 G4D 號
查詢及訂座電話：2736 2928
地址：天水圍 T Town South 地下 SG16 號
查詢及訂座電話：2693 1863
地址：將軍澳 TKO Gateway 1 樓 E151 號
查詢及訂座電話：2608 9502
地址：太古城中心 2 期 1 樓 136 號
查詢及訂座電話：2870 1188
地址：屯門市廣場 1 期 3 樓 3212 號
查詢及訂座電話：2692 8938
*各分店之價格及供應款式或有不同，實際供應情況以分店為準
（Presented by &you)
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
