黃埔水產 即撈 龍蝦壽司 鮑魚海螺全部即劏!!｜紅磡食乜好｜

Text：Jacky Photo: Scott

鮮度の極致 黃埔水產 即撈龍蝦壽司

新店由香港海產業界龍頭，新華食材公司開設，作為全港逾1,000間日式食店的批發商，食材成本較一般壽司店少了一截，餐牌價目也相應調低，大部分食材由產地直送，每周入貨更達11次，不新鮮就假。

更吸引之處在於店外兩個大水缸，養着不同的活海鮮，有客人下單，才撈起即劏。首選斤両十足的西澳龍蝦，半透晶瑩的龍蝦肉，滑溜且帶絲絲紋理，入口猶如啫喱般跟飯粒融合。

由於要保持龍蝦壽司的鮮度，故吃這龍蝦，必須全隻柯打，通常每隻重約600-700g，可以做出12件壽司，平均每件$80，雖不是庶民價錢，但在坊間高級壽司店吃一件就至少過百元，平了二、三成。

三款即劏貝類 $40起

龍蝦以外，即做活海鮮壽司還有粒貝、北寄貝、鮑魚等，價錢平均每件$40-50起，價錢相對便宜，其後又會按時令增加秋刀魚、活蝦等選擇。

每個星期五庖丁解魚騷

做壽司，魚生新鮮固然重要，不過也得靠師傅的精益求精，將味道昇華。駐店的日籍師傅香月利久，出身自東京銀座料理名店——金田中總店，幾十年前來港，曾於多間高級日菜如西村、馥任職， 入廚至今已經44年，經驗老到。
刀工同樣出色，如果要欣賞師傅的手藝，不妨找個星期五來，水產店場內（壽司店旁），逢星期五6:30pm 都會作全場廣播，有即劏九州養殖吞拿魚表演，香月師傅會即席揮刀，從他的一劈一割，就知寶刀未老，再吃埋吞拿魚三味，那就圓滿了！

用料一絲不苟

用料同樣有學問，飯粒用北海道福祿壽米煮成，貪其質地軟熟，配上自家製壽司醋，酸甜開胃，在沒甚胃口的夏天，他又會調得酸度高一點，果然細心。還會根據食材再添上蒜蓉、海鹽或是青檸，加添層次。店內又特設冷凍房、劏魚房、煮飯房專門負責不同步驟，講究。

一嘗經典西村壽司

慣常款式以外，特別點有西村壽司，為已故神級壽司師傅西村弘美的經典創作，以海膽、三文魚子、吞拿魚蓉、甜蝦層層疊而成，鮮味澎湃。懷舊之餘不忘創新，同時供應近年在東京冒起的冬甩壽司，造型更比當地繽紛得多，既果腹又切合打卡需要。

頤之味
地址：紅磡德豐街8號黃埔新天地 第九期地下九號水產22號舖（顯示地圖）
電話：2759 5526
營業時間：11:30am-3pm，6pm-10pm
外賣供應時間：11:30am-10pm
備註：設加一，收信用卡
 

延伸閱讀