黃埔新酒店自助餐！無敵海景，食分子雪糕+即烤串燒 | 黃埔食乜好 |
撰文：ruby｜圖片：Kwan Yiu
新酒店 維港海景urban resort
5星級 新酒店 屬於香格里拉集團，共提供546間客房，位置面對紅磡渡輪碼頭，黃埔港鐵站步行前往約10分鐘。酒店共有5間餐廳和酒吧，全都連接花園或平台，有無遮擋維港景，海景buffet餐廳也不例外。
酒店由著名室內設計師、已故賭王傅老榕孫兒傅厚民先生(André Fu)構思，樓高16層。
餐廳設戶外花園，有很多植物，配合自然光和海景，有urban resort感覺，不像置身都市。
室內設落地玻璃，可一覽維港海景。
海景自助午餐 即炒小菜+分子雪糕
酒店開幕當日，記者率先試食午市自助餐，價錢平日$400有找，場內設有4大live stations，包括分子雪糕、即炒小菜、燒烤，以及師傅即場拉拉麵。
甜品區：
除了分子雪糕，場內還有多達20款甜品供應，包括朱古力心太軟和多款件裝蛋糕等。
件裝甜品每日供應13款以上，最好評的朱古力香蕉蛋糕，有粒粒香蕉肉的朱古力mousse配微甘朱古力醬，甜而不膩；芒果焦糖牛奶蛋糕，微甜芒果配焦糖脆脆和牛奶蛋糕，微甜清新。
師傅即製分子雪糕，先將牛奶倒入攪拌機內。
加入菠蘿粒。
邊攪拌邊倒入液態氮氣，立即冒煙。
分子雪糕即叫即製，加入奶、菠蘿肉打蓉而成，口感厚滑，富奶香，還有粒粒菠蘿肉。
朱古力心太軟，每次要order後等6分鐘才有得食。
趁熱食朱古力軟心，甜度適中，環帶可可甘味，配上煙韌、微甜的churro，好滿足。
小炒區：
中菜熱葷選擇暫時不多，但請來師傅現場即炒，鑊氣十足。
是日師傅即炒辣子雞，雞外皮香脆，富醬油香，還有微微酒香。
燒烤區：
燒烤區有7款以上選擇，即叫即燒龍蝦、安格斯牛扒粒等。
龍蝦手掌大，味道鮮甜，但略為煙韌。鯖魚肉厚，富油脂。至於牛柳粒和蝦仁，調味偏濃，適合重口味人士。
特別推介豬腩肉卷，肥瘦相間，油香豐腴，味道偏鹹。吞拿魚和三文魚扒都是即叫即煎，前者色澤粉嫩，肉汁豐富；後者烤至全熟，較有嚼頭。
刺身區：
每日提供6款刺身，試食當日有捲上酸青瓜的醋希靈魚，另外還有新鮮八爪魚、油甘魚、吞拿魚等等。
總結：
在芸芸食物當中，以甜品最吸引，配搭有心思，例如朱古力香蕉mousse、芒果焦糖牛奶蛋糕，甜中有層次，口味清新。至於燒烤和小炒live stations，整體味道偏鹹，適合重口味人士。最讚是環境，寬闊舒適，加上落地玻璃，可一覽海景。
大灣咖啡廳
地址：紅磡灣紅鸞道38號嘉里酒店3樓
電話：2252 5246
午餐時段：星期一至日11:30am-2:30pm
晚餐時段：星期一至日5:30pm-10:30pm
收費：早午餐收費：星期一至五 $328 ；星期六及日 $388 ；晚餐 $598
備註： 設加一，收信用卡，小童 7-11 歲半價
無邊際泳池 健身室望海踩單車
除了自助餐，新酒店 大部分設施，以及超過6成客房，都有海景。
酒店設有25米無邊際泳池，可以一邊游水一邊盡覽維港景色。
健身室設有落地玻璃，紅磡海邊風景一覽無遺，更可望住海景踩單車和跑步。
月中酒店會推出美食廣場，將有10間食肆進駐，價錢親民，大約＄60位，以吸納附近街坊和上班人士。
豪華海景房$2,500/晚
高級海景房$2,300/晚
酒店有6成房間有海景，房價由$1,900至$5,400/晚，每間房均包括免費無線上網和迷你吧。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
