麻辣火鍋｜非一般講究重慶得獎名鍋＠Dining娜

Photo: Tedd

中國二十四節氣之一嘅「霜降」都剛剛過去，意味著秋去就冬來，仲唔係麻辣一番好時候！最近識飲識食朋友圈中，大熱討論呢間不少名人明星熱棒嘅重慶老火鍋，佢不論由裝潢景觀、選料製作都極為講究，查實係來自重慶夫妻經營小店，由於製法正宗有特色，被《舌尖上的中國2》選中並推薦為唯一 重慶麻辣火鍋 ，迅速於全國開店至2百幾間，已於國內享負成名，更加係「 重慶火鍋 50強」，既然來頭如此強勁，點可以唔去潮聖吓呢！

名人熱棒 海景伴食正宗 重慶麻辣火鍋

2016年強勢登陸香港後，渝味曉宇發展至今已有4間分店，每間裝潢都極具格調，充滿和風味道，舒適簡潔而有風格。難怪開業不久已吸引男神Chilam張智霖率先試食，最近更有人氣急升靚媽咪應采兒同Yumiko（鄭晞兒）大擦一番。除咗食物同鍋底有一定質素，尖沙咀分店仲有超級無敵海景view，簡直係意想不到享受！

九宮格重慶老鍋 麻香辣重而有層次

香港店保持重慶老店傳統麻辣秘技，首先精選重慶一級辣度「朝天紅」，花椒就用茂汶大紅袍同金陽青花椒，加埋自家製豆瓣豆豉同薑末等等，最後用青海牛油起鍋炒成辣底，夠晒正宗麻香四溢！每鍋用特製九宮格鍋上，置中一格放有特厚牛脂滾出淡淡油香味，夠晒刺激！

要兼顧埋未敢挑戰激辣朋友，可揀中間分隔高身企鍋嘅大骨滋補、蕃茄魚頭或者特色香果等鴛鴦鍋，一樣係老火熬成，食得出真材實料！

師傅精製特色重慶鍋料

鍋底如此精心考究，鍋料同樣一絲不苟。重慶地道主食看似平平無奇內臟類，不過由師傅演繹成高品質選擇，功夫甚多而且要新鮮精要！

烚時精選:

• 必跟正宗重慶蘸醬方法：先加大量蒜蓉、蔥花同一定份量麻油，主要可以保護胃壁，同中和麻辣感。
• 麻辣中辣椒籽越滾越濃烈，配食由淡至濃鍋料，如先食黃喉、牛肝，再到炸豆皮等吸盡精華。
• 最最最後一定要飲杯自家製洛神花茶降降溫，十分重要一環！

渝味曉宇重慶老火鍋

地址: 尖沙咀北京道12A號太子集團中心19樓(3621 0893)

銅鑼灣渣甸街50號渣甸中心8樓(3703 9318)

灣仔皇后大道東202號QRE Plaza 6樓(3107 0298)

堅尼地城卑路乍街163號聚賢逸居9號舖地下及1樓(2890 6678)

備註：設加一、收現金及信用卡。

Facebook: 渝味曉宇重慶老火鍋