麵包塗醬排行榜！花生醬卡路里低過牛油 Nutella醬不是最肥｜食是食非

撰文：Hello Pinkey ｜圖片：Woody、新傳媒資料室（食物圖片只作參考）｜營養顧問：米施洛營養師 Joyce Ma

麵包塗醬卡路里排行榜

*以下塗醬卡路里以每100克計算，每100克約可塗約8-10塊方包。

1.放心食 低卡士多啤梨醬

士多啤梨果醬最低卡！只有 250kcal，零脂肪，卡路里主要來自糖份。另外楓糖和蜜糖都是較健康之選，楓糖以楓樹汁液製成，升糖指數比砂糖幾乎低一半，還有抗炎和抗癌作用；蜜糖雖然比果醬高卡，但甜味來自天然，且含豐富維他命B，可促進新陳代謝。

2. 睇住適量食 煉奶

不少人喜歡加煉奶，但其實煉奶是加了糖的花奶，一匙的卡路里，已等於約一盒高鈣脫脂奶。所以糖份都幾高，要小心食。

3. 都係少食為妙 朱古力、抹茶醬

朱古力醬、抹茶醬近年大熱，又是女生最愛，但原來高脂又高卡！Nutella和Lindt 榛子朱古力醬兩者樣是榛子朱古力醬，卡路里相若，高糖份加上高脂肪，都幾邪惡；抹茶醬裡面除了綠茶粉，成分還有砂糖、椰子油、奶油、全脂奶粉等，卡路里跟榛子醬相若，都係肥！

4. 適可而止健康食 花生醬

花生醬原來唔係最肥！有或無花生粒，卡路里也相近。雖然熱量高，但花生屬健康果仁，蛋白質也高，而且含不飽和脂肪酸，有助降低壞膽固醇，適量食對身體有益，真係要還花生醬一個公道。

5. 危險！邪惡暴肥！ 牛油

眾多麵包塗 醬卡路里 中，牛油才是最高卡路里！不論植物牛油還是純牛油，兩者的卡路里不相伯仲，脂肪含量極高。一般茶記用反式脂肪植物牛油，即罐裝「馬芝蓮」，有些食肆如大快活、太興，會提供獨立包裝的天然牛油，睇住食呀！

你係麵包控？即睇：港式麵包卡路里陷阱!! 甜餐包已經肥過一碗飯