麥記超值套餐又加價！加推一周6大優惠補數
廣告
每年1月，人人迎新年，隨住count down後，大家都會去唔同嘅新年party或者約新年飯，都真係個開心嘅月份！但係，對於麥當勞忠實食家們嚟講，1 月就並唔係一個開心嘅月份啦，點解？之唔係麥當勞每年1月都會加價囉！繼上年將我哋恩物「＄21餐」加到變成「＄22餐」之後，由今日起，又將「＄22餐」加到變「＄23餐」……年年都逐蚊逐蚊加，叫我哋如何招架呢？對比返加價前後，最高嘅升幅達7.3%。記者今日即刻去鄰近間麥當勞睇睇，已經換哂加價後嘅新餐牌。
「＄22超值套餐」已加價成「＄23超值套餐」
另外，「超值早餐套餐」同「醒神套餐」亦上調咗1蚊，其他餐同食品則維持不變，「10蚊包」都好在仲係「10蚊包」……
而麥當勞同日亦加推為期一星期、由今日開始嘅「日日開心Keep Going」優惠畀未適應到加價嘅我哋頂住先，打頭炮嘅係只限今日嘅＄10兩個漢堡包！
「日日開心Keep Going」一周優惠
如果大家今日享用唔到優惠嘅，聽日起Mark實以下嘅 「日日開心Keep Going」，包括多款買一送一嘅優惠啦：
1月5日 （周二）：6件麥樂雞買一送一
1月6日（周三）：＄23 巨無霸超值套餐 （可＋＄4 轉大汽水、大薯條，另可加錢轉其他飲品）…記者諗：同平時加大個餐有咩分別？
1月7日（周四）： 豬柳漢堡買一送一
1 月8日（周五）：＄10芝士漢堡一個＋細汽水一杯（不可加錢轉飲品）
1月9日（周六）：買指定超值套餐送4件麥樂雞（不適用於開心樂園餐、＄22超值套餐）
1月10日（周日）：新地蘋果脆買一送一（可任選朱古力或士多啤梨味）
今日有網上食家Sinle Wu已經率先幫襯咗呢個限時優惠，就咁睇，漢包都未見因優惠而減料。
麥記日本番外篇！無料新年福袋喊出尼
話說日本升大品牌於新年期間推出各種福袋，日本麥記竟然都有份！但就絕對係失敗之選，各大買左麥記福袋嘅網友都大叫慘情，以下為福袋內容：
- 巨無霸墊子
- 水杯子
- 紙製夾子
- 漢堡包 / 薯條優惠卷
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
