網店入地舖！人氣限售 麥提莎糯米糍 +透心涼葛餅｜深水埗食乜好
撰文：Joan 攝影：Man
網店變地舖：人氣限售甜品 麥提莎糯米糍
新店由三位90後年輕人開設，Crumie是yakgouyen的負責人，賣多款自製甜點，招牌麥糍（即麥提莎糯米糍），高峰期試過一日製作450粒，儲落一班死忠顧客，另外兩位店主Arno和Ringo亦從事飲食業。最近找到舖位，三人索性齊齊辭掉正職，膽粗粗開舖，除了賣麥提莎糯米糍外，還有葛餅、抹茶卷和多款飲品。
原味用3.7牛乳 抹茶中庸之味
最好賣的麥糍，共有兩款口味，因不想馬虎製作，只於星期三、五、日的1pm和7pm兩輪發售，糯米皮用吸水力適中的泰國純糯米粉製作，不加麵粉或太白粉，糯米皮搓出來圓潤大粒，亦特地整得厚身點，想大家享受煙煙韌韌的口感。
原味的麥糍之前加了好立克粉製作，配方一路改良，現用3.7牛乳取而代之，嚼起來有啖啖奶香；抹茶味用丸久小山園的青嵐抹茶粉，有客人投訴茶味不夠重，但青嵐特性就是茶味中庸，吃到尾才有香氣回甘，如果是愛好甘澀味重的抹茶控，不是你杯茶了。
大盒的麥糍有齊原味和抹茶味，糯米皮厚得來煙韌，食幾粒就有少少飽，抹茶茶味不太重，但回甘夠香；原味的糯米皮重奶香，同樣好食。
另有小盒，只有一款味，買回家最好即食，放太久麥提莎易變腍。
另一主打：涼浸浸+有咬口葛餅
另一人氣甜品「葛餅」，只用日本葛根粉和木薯粉製作，糖也不加，煮時要用人手不停攪拌足足15分鐘，而火候過大會燶、太小又不熟，有力度外也需經驗搭夠。煮好後雪凍，有Order才把葛餅切件，均勻蘸上黃豆粉，吃起來冰爽有咬口。
最好立即食用，葛餅本身是沒有味道的，變相是食黃豆粉的味道，日本黃豆粉用二次焙煎過的，味道特別香，愛甜的亦可加黑糖漿和煉奶拌勻吃。
同場加推：抹茶卷＋一系列飲品
除兩款主打甜品外，其實還有咖喱飯和最近推出的抹茶卷，亦有數款飲品包括蝶豆花綠茶、泰式奶茶和拉花朱古力等。
都是用丸久小山園的青嵐抹茶粉製作，捲着的不是忌廉，而是吉士醬，但質感略嫌乾身。
泰式奶茶用泰國買入的茶葉沖製，奶香和茶均勻突出；蝶豆花是綠茶底，藍色是它本身的顏色，不含色素。
咖啡和朱古力等熱飲會有拉花，Ringo好技術！熊仔很得意！
旯旮 Glock
地址：深水埗欽州街37號西九龍中心8樓58號舖（顯示地圖）
電話：6682 5273
營業時間：1pm-約8:30pm（逢星期一休息）
備註：麥糍於星期三、五和日的1pm和7pm兩輪發售，不設預訂，每人限買兩盒大麥糍
延伸閱讀：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
