滿瀉海膽飯、半打生蠔 只賣$1 ?! 鳴門 扭蛋優惠易唔易中？ |旺角食乜好|

撰文：Mandy｜攝影：Scott

鳴門 扭蛋新優惠!海膽飯、生蠔、刺身全部都係$1

今次的$1優惠，每晚限量30隻扭蛋，每4位可以抽1隻，愈多人惠顧就愈多優惠。扭蛋內有機會抽到特盛海膽飯、半打日本生蠔、刺身拼盤、鵝肝飯等等，問過店員，海膽飯及生蠔分別都有3隻扭蛋，中獎機率都幾高！

愛吃蠔的Mandy一心想抽中生蠔優惠，但最後抽中了原價$398的漁市場刺身拼盤，雖然抽不中心頭好，但係都算唔錯。

Katie則希望抽中特盛海膽飯，結果一抽即中，超級好運！

$1食物 質素如何？

漁市場刺身拼盤每日提供的刺身款式都不同，今日供應的有赤蝦、北海道帆立貝、池魚王、金目鯛、三文魚等等。雖然抽中了$1優惠，但食物質素毫不馬虎，仍然非常新鮮，入口魚油香味濃郁。

至於特盛海膽飯，之前做$98優惠時已經大排長龍，大家食過都讚足料，今次來到$1優惠，質素維持不變，今次供應的海膽是北海道馬糞海膽以及韓國海膽。$1就可以食到滿滿的一個海膽山，真的超值！

雖然店內不設最低消費，絕對可以食完$1優惠就走人，但一場來到，都會心思思想試其他食物，今次就選擇了同樣有機會以$1抽中的日本生蠔以及鵝肝飯。

這款來自日本的「宮城真蠔」，無花無假超好味，有手掌般大，入口海水味淡，質感偏向creamy，蠔身超厚，完全超乎意料地好吃！

平時「蠔精」Mandy食十幾隻蠔絕對是等閒事，但今次生蠔size實在太大，食了3隻都宣佈投降了。

至於鵝肝飯亦有驚喜，鵝肝入口充滿油香，超級邪惡，不過驚喜位反而是旁邊的魚子，粒粒都非常飽滿，味道鮮甜，可以中和鵝肝的油膩感。

30個扭蛋入面，每個都保證中獎，不過抽中邊款優惠，就要視乎閣下運氣了。今次記者們就好好彩，祝大家都好運啦！

鳴門魚市場居酒屋

地址：旺角染布房街12-14A依利大廈地下B號（顯示地圖）
電話：2392 6106
優惠日期：即日起至7月31日
優惠時間：9pm至售完
參加方法：每2-4人扭一次、5-8人扭2次，如此類推

延伸閱讀
葵廣 3大新小店!!! 手工製芋圓豆花、足料海膽手卷
想知更多好玩旅遊、生活資訊，留意Mandy facebook專頁：

想知更多吃喝玩樂資訊，快啲Like Katietong Facebook啦！