鳳鳴居衝出上水 殺入旺角開分店！嫩滑醉雞米線＋濃滑花膠雞湯起家 記者實測試食有幾巴閉！｜區區搵食
撰文、攝影：Zero
上水鳳鳴居醉雞米線起家 旺角開店即爆場
鳳鳴居於2018年在上水開店，由幾位年青人主理，主打不同的雞湯米線而吸引上水街坊，開業不久就成為上水人氣店，經常坐無虛席，飯巿更經常大排長龍，連區外人也不嫌山長水遠走入去食，受歡迎程度可見一斑！最近鳳鳴居衝出上水於旺角開分店，不少人大嗌﹕「終於唔駛入上水！」新店對正人流極廣的旺角新之城，周邊平民食肆林立，開業不足一星期就有不少粉絲聞風而至，記者於上星期12月3日朝早12點抵達，已見四、五位年輕食客等開門，認真誇張！
雞肉超嫩滑！醉雞米線滿滿酒香＋奶白花膠雞湯米好清甜
凰鳴居旺角店的菜式，基本上跟上水店無大分別，同樣以雞湯麵做主打，湯底味道選擇豐富，除了招牌的醉香雞湯及花膠雞湯外，還有姬松茸雞湯、芫荽雞湯、喇沙雞湯、麻辣雞湯、番茄雞湯等合共11款，除了可配搭雞肉外，也可自選車仔麵配料，豬大腸、手撕雞、瑞士雞翼、豆卜、響鈴、咖喱豬皮、腐皮、金菇、酸甜根等講得出的都有。
花膠雞湯米線 奶白湯底好鮮甜
記者今次柯打了醉香雞湯米線、花膠雞湯米線及數款小食，先上來的是花膠雞米線：
湯底：呈淡黃奶白色，呷一口湯， 雞味濃郁鮮甜，飲後不覺口渴，可以一整碗湯飲落肚。
雞肉：配料包括連骨雞肉及花膠，雞肉賣相像白切雞，不過吃落雞肉其實有調味，輕輕的鹹度提昇了雞肉味道。火喉控制得好，雞肉不會煮得過嚡。
花膠：花膠足7、8吋長，不算厚身，但煮得又軟又滑，配合花膠湯來吃，吸盡湯底。
雞湯底呈奶白色，配有切雞及一大塊花膠。（圖片來源：新假期編輯部 ）
醉香雞湯米線 一上桌就聞到酒香！
另一款醉香雞湯米線，即是醉雞米線，煮法跟其他雞湯麵不同，會以生滾雞的做法炮製，即是雞肉會即叫即煮，故烹調時間較長，這次約等了十分鐘才上桌。
湯底：湯底超香！一送上來時，已有朕朕酒香撲鼻而來，非常吸引。湯底入有偏甜，而且酒味重，如不嗜酒的話，好難將整碗湯飲下去。
雞肉：由於雞件即叫即煮，為了保持雞肉的嫩滑，師傅更以半焗的形式處理，故雞肉入口一樣嫩滑，生熟程度剛剛好，同樣吸盡湯底，有淡淡酒香，雞肉同樣偏甜。
其他配料：除了雞肉，還配有木耳及紅棗，木耳分量慷慨，約有七八件，吃落爽滑
即叫即煮，一送上來時就飄來酒香！（圖片來源：新假期編輯部 ）
除了雞湯麵外，店子還有一系列飯類，同樣以雞做主角，例如醉香雞湯飯、沙薑雞飯、口水雞飯等，飯桶的話就不用擔心。另外有近二十款小吃，由街頭小食如碗仔翅、蒜蓉辣椒雞翼尖，到大牌檔風味炸魚皮都有，推介幾款醉小食，如醉蛋、醉雞腎，同樣浸得入味。
推介！魚皮炸得脆卜卜，鹹蛋黃沾得勻勻。（圖片來源：新假期編輯部）
怕只吃雞太單調，可以加一隻糖心蛋，蛋心軟糯香甜。（圖片來源：新假期編輯部）
包括炸爆丸、炸墨丸及炸魚片頭各兩粒，估計丸類是來貨，沒有驚喜可以不試。（圖片來源：新假期編輯部）
- 餐廳：鳳鳴居（旺角店）
- 地址：旺角西洋菜南街138號（顯示地圖）
- 電話：3188 5880
- IG：fengminghouse
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
