新年試新嘢！$13鬆軟銅鑼燒夾雪糕！|長洲有咩好食|

除了必試的綠茶紅豆、朱古力脆脆等大路又大熱的口味之外，更有時令的限定口味，如金枕頭梳乎雪批，啱晒重口味的香港人，IG Food BloggerHkfoodprint食玩專車試後就推介大家大家待雪糕半溶才食用，因半流質的雪糕令蛋糕更濕潤，口感更佳！

【週末遊懶人包】 浪漫拍拖遊 長洲

熊屋
地址：長洲大新後街114號地鋪 （顯示地圖）
電話：6075 9838
營業時間：10:30am – 8pm

係人都知長洲係搵食專家嘅寶島，之前介紹過好多巨型美食，最出名就係大魚蛋、大雞髀、巨型芒果糯米糍，相信你哋都食過哂，out啦！聽講長洲又有新嘢食，真係創意無限，想掃街有芝士紅豆餅、炸芒果糯米糍（簡稱進化了的芒果糯米糍），想坐定定食都有新開泰國菜可以揀，係時候又要入去「食沉長洲」啦！

芝士紅豆餅‬（$10）

鬆餅食得附，紅豆餅就更加食得多，不如試吓再加啲芝士，兩塊芝士夾住紅豆餡，完全想像唔到又鹹又甜嘅味道，都幾得意。

‪故鄉俱樂部‬
地址：長洲教堂路17號地下 （顯示地圖）
電話：2981 5038
營業時間：13:00-22:00

炸芒果糯米糍‬（$18）

次次入長洲都一定要食芒果糯米糍，近期賣到出市區都有得食！今次搞搞新意思，試吓炸芒果糯米糍！當然唔少得仲有炸榴槤糯米糍可以揀啦。呢個炸糯米糍賣點仍然係大嚿，咬落啖啖肉，口感唔同炸雪糕，可以一試。

海傍美食店‬
地址：長洲海傍路30號地下（顯示地圖）
電話：2981 9638
營業時間：07:00-14:00
圖片提供：Poortravellers窮遊
Facebook：https://www.facebook.com/poortravellershk/

長洲仲有一間新開嘅泰國餐廳－「青流」。嘩！淨係聽個名都知特別，feel到好大鼓文青味。原來餐廳係由3位熱愛泰國美食及文化嘅90後長洲原居民開嘅，將泰國嘅街頭小食同年輕潮流帶入長洲。泰國菜必食嘅海南雞飯、芒果糯米飯一定走唔甩，仲有其他特色菜式同飲品，包你未食過。餐廳裝潢又靚，打卡呃like是常識吧！唔講咁多，睇吓有乜食先！

手撕海南雞無骨，方便易食，必配油飯同辣椒醬，仲送胡椒冬瓜湯，大滿足！

Pad Thai有唔少配菜，旁邊有砂糖同辣椒粉，要全部攪勻先食得。鹹、酸、甜味都有齊，配埋花生碎同炒蛋，味覺同口感一級享受。

食泰國菜點少得芒果糯米飯？芒果夠厚夠甜，糯米飯滲入椰汁，好濃好香，正！

除咗芒果糯米飯之外，仲有煎糯米飯。外脆內軟，加埋椰漿同烘椰絲，好fresh！

Banana Roti係泰國嘅街頭小吃，烤餅皮配上新鮮香蕉，加上朱古力醬同煉奶，係必食嘅飯後甜品。

食完飯要飲茶消滯，餐廳有唔少特色飲品可以揀，最重要係啲壺同杯都好靚，有啲銀杯仲好有泰國風，睇得出店主好有心思，喺度嘆杯茶都覺得自己好elgant！

呢杯龍眼蜜有補心脾、益氣血等功效。

其他不同特色飲品，如檸檬蜜糖梳打同熱茶，冬天飲就啱哂。

其實餐廳內仲有賣飾物，夏威夷襯恤，餐具等，全部都係店主親自到泰國採購，有置身於泰國夜市嘅感覺。

食咗咁耐！有一點要同大家時光倒流…回帶！從門外看看，吓？食得㗎？餐廳嚟架咩？入到去呆咗，完全睇唔出係間餐廳，唔講以為係間藝術館或者手作店，點知係食嘅！食飽仲可以行吓shopping，真係估佢唔到！

入面嘅裝潢實在太特別，牆上掛住好多復古畫、唱片封面，又藍又綠，有啲復古style，點解咁靚㗎？淨係影相都有排影呀！Post上Facebook一定好多like！

玻璃木門上面噴咗啲字，好似graffitti咁，有種隨意街頭風。

青流
地址：長洲金銀灣金豪閣10號地下（顯示地圖）
電話：5440 0449
營業時間：12:00-20:30；逢星期三休息
延伸閱讀：
太誇張啦～長洲特厚6味爆醬西多士盒【長洲食乜好】
長洲限量 芒果糯米糍 市區最強3大店比併
尋找張保仔 長洲9大美食跟身掃街地圖