驊記糕點屋 元朗糯米糍日賣過千粒！$6粒 即叫即包花生餡＋砵仔糕｜區區搵食
廣告
驊記糕點屋是元朗必排小店之一，以$6一粒即叫即包糯米糍嬴取街坊歡心，每日排大長龍。糯米糍皮薄餡靚，花生餡巨量驚人，完全物超所值！此外，砵仔糕、各種口味的茶果等懷舊糕點同樣受歡迎！
驊記糕點屋 元朗糯米糍$6粒！
元朗名物，驊記糕點屋的花生糯米糍必定列入名單之上。一盒花生糯米糍共6粒，平均$6一粒，高峰曾日賣過千粒！糯米糍由老闆娘每日親手即叫即包，用玻璃瓶先將軟糯的糯米糍壓扁，再純熟地包上花生餡，花生餡愈放愈多接近谷爆後，再完美地封口，整個足足有手掌心大！
驊記糕點屋由早上10點半開賣，未開門已引來街坊排隊，記者實測排隊時間，雖然驟眼望人龍長至轉角位，目測十餘人排隊，不過因為人手有限的關係，逐粒人手包的確費時，記者當日足足等了一小時！花生糯米糍每人限購3盒，而且4點半開始截龍，要買就趁早！
糯米糍需一盒盒購買，每人限購3盒。（圖片來源：新假期編輯部）
懷舊糕點：茶果＋砵仔糕
除了花生糯米糍受歡迎，其他糕點、雜貨及零食可以到龍頭向老闆即時付款購買。當中懷舊糕點雖然不是即叫即做，但同樣出色。茶果不定期有幾款口味，包括紅豆、綠豆、蘿蔔、眉豆等，表皮煙韌，餡料同樣滿瀉。還有砵仔糕、圍村人鬆糕等，一場來到可以一試！
紅豆粒放得重手，砵仔糕黃糖味濃郁，入口煙韌不黏牙。（圖片來源：新假期編輯部）
- 店名：驊記糕點屋
- 地址：新界元朗區元朗安寧路20-24號利群樓地下
- 營業時間：星期二至六10am-7pm（星期日及一休息）
驊記糕點屋營業時間是？
驊記糕點屋營業時間為星期二至六，詳細時間按此。
驊記糕點屋的花生糯米糍何時開售？
花生糯米糍由10點半開始賣至4點半截龍﹐詳情按此。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：新假期編輯部
