今年香港首賣！泰北進口~手掌咁大 BB榴槤 即看試食報告 ！｜記者試食｜
廣告
從前吃榴槤，是一大班人的事。買個榴槤，四五個人，圍在一起，分甘同味，十級滿足。不過今年，吃榴槤終於有了新方式，就是一個人獨食一整個！因為，今年香港終於有人引入來自泰北的 BB榴槤 ，的骰嬌小外型已經夠煞食，榴槤迷一定不能錯過！
text: Erica photo: Scott
BB榴槤 身價貴榴槤3倍！
今年才登陸香港的泰國北部烏達拉廸BB榴槤，品種叫Long Lub Lae，因為其size 非常的骰，於是來到香港，大家都叫它做BB 榴槤或水晶榴槤。跟普通的金枕頭相比，BB 榴槤細得可以一隻手捧得起，每個只有約1至2磅，不用擔心一個人食不完，加上賣相Cutie，一推出就大受榴槤迷歡迎。
BB榴槤 十分迷你，小型的可以一手拎起。
BB榴槤 VS 金枕頭
其中有引入此 BB榴槤 的大眾果欄陳老闆指：「現時每星期來貨三次，貨量不多，每次只攞到20-30箱，好快就賣晒！價錢也比金枕頭貴3倍。」老闆指，BB 榴槤 跟常見的泰國金枕頭不同，前者是飛機貨，後者大多是船運過來。「飛機貨比船貨好，因為途中沒經過急凍， 更加新鮮， 而且BB 榴槤都是樹上熟，香味零舍不同 ！
相比起金枕頭，BB 榴槤的殼夠薄，用餐刀稍為扳開即可，自己一個人開來吃都無難度。雖然細細粒，但核小肉多，榴槤味不會太嗆太濃烈，反而有一股清香，入口有清新的果甜，肉質creamy中帶爽滑，很適合初嘗榴槤的人。
記者試食！
泰國金枕頭
身價： 約$15-16/磅，每個約7-8磅
果肉： 殼厚，果肉帶白，果核相對大，勝在肉也夠厚
味道： 榴槤味濃郁，甜度高
泰國 BB榴槤
身價： $45/磅，每個約1-2磅
果肉： 殼薄，核細，果肉比例不算少，果肉呈金黃色，肉面有光澤
味道： 榴槤味較清香，帶清新的果甜
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
