蝴蝶結「 可樂 」殺到香港!!! $14支有無得諗？
廣告
不用飛日本、不用過澳門都有！ 香港終於有得賣蝴蝶結 可樂 ，不用再麻煩朋友從外地買回來喇 !!! 剛剛優品360預告會有新產品，原來就是「聖誕特別版 可樂 」，記者當然即刻衝到門市睇睇，但原來…！
撰文：Yvette Wong、Joe | 圖片：優品360、資料圖片
神秘預告! 馬賽克了都知道的聖誕版 可樂
記者去到就近的觀塘分店睇睇，兜了幾個圈都未有發現，只見日本版500ml罐裝可樂及特別版192ml樽裝可樂，說好的聖誕版可樂呢？
聖誕版可樂 本周陸續出貨
經從店長及公關身上打聽，原來聖誕版可樂的確新鮮到港，由於引入的優品360在各區都有分店，所以有些地區會率先出現，而小編身處的九龍東送貨期在本周末，所會今日未有貨上架。
最平$14支 送禮之選
快將完結的澳門美食節賣「聖誕特別版 可樂」價錢為$15支。而香港定價也一樣，每支售價為$15，$28兩支，容量為500ml裝，但只有「紅色版」原味售賣！是否抵買真的見人見智，如果以用家身份當然稍貴，但如果作為聖誕節禮物送給朋友，幾廿蚊又好似不太肉赤，送其他禮品都百多元吧！
網上已經有大量影片，教大家如何拉出絲帶花版可樂，即使大家不懂日文，看圖示都絕對容易明白製作過程。唯一要提提大家，拉的時候記得要慢，太快的話令收縮的絲帶花收得不太完整，美感不足！
