台式養顏美人湯車仔麵！滷豬腳、牛筋、鮑汁魚膠
廣告
港式車仔麵食得多，台式車仔麵你又試過未呢？這間於中環新登場的餐廳，主打台式車仔麵，店名「養心麵」聽落似曾相識，實情它就是人氣台式養生鍋「養心殿」的姐妹品牌，所以店內會用上招牌火鍋湯底及配料做車仔麵，而麵底和不少配料都是由台灣直送，到底台式車仔麵又有幾特別呢？即刻等記者分享試食報告。
撰文：素岐@ww圖片：Scott
店內主打自家獨創的美人湯和麻辣湯做車仔麵湯底，配方跟足火鍋店。招牌的美人湯用了烏雞、桃膠、杞子、南棗及金華火腿熬足4小時而成，車仔麵淋上湯汁奉客前更會加一大勺桃膠，非常足料，湯頭飲落清甜，滋補之餘又有豐富骨膠原。
另一個是麻香撲鼻的麻辣湯，以指天椒、泡椒、八角、草果等十多種香料及藥材熬煮成台式豆瓣醬，伴以美人湯底，入口先香後辣，辣度十足，飲落麻香濃郁。
至於麵底方面，除了有一般的粉麵、烏冬、油麵等，更可選擇由台灣直送的新竹米粉、以綠豆做的台式寬粉條或度小月關廟麵，夠晒台式地道風味。
配料大概有30多款可選擇，當中有不少都是由台灣直送，值得推介的是，台式滷水的配料款式，如滷大腸、滷牛𦟌、滷豬腳等，相當入味。雖然店內無得食豬紅，不過可以改吃麻辣鴨血，大件又滑溜。
養心麵
地址：中環威靈頓街73號地舖
電話：2447 7003
營業時間：星期日至星期四 11:00am-12:00mn、星期五和星期六11:00am-2:00am
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
