低卡餃子7款超市推介！懶人減肥必食 每餐Under400卡路里@Aranth安曼營養專欄｜食是食非
撰文及圖片來源：Aranth安曼營養實驗室｜資料來源：澳洲註冊營養師 Angela Lau(安曼營養)
7款超市懶人餃子推介 港式經典有辣有唔辣！
1.灣仔碼頭鮮蝦雲吞王 (270kcal 1包; 10粒)
呢隻傳統嘅經典選擇，味道一定唔會錯。平日買定一包看門口，好味又低卡。不過呢一隻鮮蝦雲吞王有附贈味精湯包，馬上令鈉含量對比其他餃子產品大大提升近1倍！食用時記得盡量不要飲湯，或者湯包份量減半以減少過多的鈉質攝取。
2.灣仔碼頭辣子雞水餃 (277kcal 1包; 9粒)
冬天最鐘意食辣暖下身，灣仔碼頭新出嘅呢隻辣子雞水餃就啱曬！辣味主要由花椒粉和辣椒粉帶出，不會增加額外的熱量負擔。主要成份有雞肉，白菜和木耳，一餐一包就啱啱好！
3.灣仔碼頭海參鮮蝦水餃 (264kcal 1包; 15粒)
雖然話係海參鮮蝦，不過當中主要成份都有豬肉。不過整體豬肉份量都同海參鮮蝦相若，所以飽和脂肪都唔算高。海參和鮮蝦都係優質蛋白的低脂蛋白質，想轉下新口味的大家不妨可以試一下中式新選擇。
韓式小籠包口味特別 低鈉又低卡！
4. 韓國泡菜小籠包 (260 kcal; 1包6粒 )
呢隻韓式泡菜小籠包當中更加入了豆腐和大豆蛋白作為蛋白質來源，加入蛋白質令一餐更加均衡之餘，整體飽和脂肪比例亦大大降低。其中鈉含量更是其他餃子小籠包產品低一半，啱晒鍾意食麵點，又驚容易會水腫嘅女士。
5.韓國雞胸肉小籠包(燒肋骨味) (328kcal; 1包8粒 )
呢隻韓式小籠包則主打以極為低卡的雞胸肉作為第一原料製成，所以比市面上一般餃子蛋白質高出不少，熱量亦稍高一點。燒肋骨味小籠包口味非常新鮮特別。雖然係燒肋骨味的，不過飽和脂肪含量亦沒有太高，大家可以放心嘗試。
環保素食潮流 餃子都有得揀
選擇素食不再像以前一樣只有豆腐，素雞，素鵝，市面上新出不少素肉產品，口味和營養標籤一樣咁掂。更加為素食人士，或更加關注環保和動物權益的年輕一代帶來更多選擇，一齊幫手減少carbon footprints，為地球減少負擔！
6.新豬肉紫甘藍粟米水餃 (302kcal; 1包12粒)
7.新豬肉黑椒香菇水餃 (280kcal; 1包12粒)
以植物肉作為主要原材料提供完全蛋白質，就算素食都可以確保蛋白質攝取。粟米水餃清甜，黑椒味在素食產品中亦比較少見，令素食不再沉悶。
最後提提大家，急凍餃子一般鈉含量都較高，一包約含有成年人一天建議鈉攝取量的三分之一。作為方便快捷的選擇，一周進食最好不要超過3次，減少對腎臟及心血管健康造成負擔。
資深澳洲註冊營養師，半資深抹茶和甜品狂熱愛好者。
鍾意四圍發掘超市方便又好食的營養之選，安排營養飲食令繁忙都市人都可以平衡健康和生活。
Aranth安曼營養健康管理
電話：9748 3800
官方網站按此
Facebook：Aranth安曼營養
Instagram：aranthnh
撰文、圖片來源：Aranth安曼營養實驗室｜資料來源：澳洲註冊營養師 Angela Lau (安曼營養)
即睇更多：9大低卡即食麵宵夜推介！多吃會水腫致癌？營養師教你減低鈉攝取@Aranth安曼營養專欄｜食是食非
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
