精選日本餐廳推薦！美國運通卡會員更享高達7折優惠！

Jun 6 2023

香港人向來鍾情日本料理，可惜優質嘅日本餐廳價錢多數都偏高，有時都可能唔捨得食。以下為大家推薦三間精選日本餐廳，無論想食壽司、omakase定fusion菜都有得揀。如果你係美國運通卡會員，仲可以享有折扣優惠添！即刻睇睇啦！

Trattoria Kagawa by Mihara：意日fusion鐵板燒優惠高達8折

Trattoria Kagawa by Mihara位於灣仔船街，由資深嘅日籍總廚三原光史掌舵，主打一系列精緻嘅意日fusion菜，例如以鐵板燒方式烹調嘅意大利燴飯就深受食客歡迎。

由於意大利海產資源豐富，當地人喜愛以海鮮入饌，因此，Trattoria Kagawa by Mihara內有唔少海鮮菜式。餐廳更標榜採用日本新鮮食材入饌，日籍廚師將海鮮同日本時令食材融合，設計出多款別樹一格嘅意日fusion菜。

餐廳裝潢糅合日式、西式同園林等元素，打造出摩登時尚嘅小酒吧，氣氛舒適、自在，十分適合三五知己小酌一杯。

地址：灣仔船街18號地下
電話：53943690

美國運通卡會員優惠：

Yataki係一間位於尖沙咀嘅Omakase日本料理餐廳，主打由日本空運到港嘅上乘食材。此外，餐廳亦以精緻美觀嘅新派菜品配搭聞名，有唔少食客專登去打卡㗎！

無論係前菜、刺身定壽司，Yataki均使用由日本直送到香港，最時令最新鮮嘅海產；即使係茶碗蒸、魚湯同天婦羅等熱食，用料亦選擇高級食材，不論係味道定賣相都相當有水準。

Yataki可以吸引咁多人慕名打卡，全因師傅喺擺盤上落咗好多功夫。例如，師傅會將前菜擺喺精緻嘅木盒入面，又會將壽司逐件逐件放喺樓梯形木架上等……每一道菜都可以為食客帶來視覺同味覺嘅驚喜！

地址：尖沙咀白蘭軒道2號富峰行3樓
電話：27788808
WhatsApp訂座專線：92471684

詳情：

Omakase熱潮去年襲捲香港，主打Omakase嘅餐廳開到成行成市。可惜，餐廳數量多並唔代表間間都質量好，加埋一餐Omakase價錢都唔平，有時難免捱貴價中大伏。如果想試吓又傳統又有質素保證嘅Omakase，不妨試吓位於上環嘅「UMI」。

UMI主打正宗江戶前Omakase，由日本百年老店傳人主理，日藉師傅識講英語同簡單廣東話，確保大家可以邊食邊同日本師傅溝通、交流。店內雖然只有10個位，但樓底高，環境舒服；而顧客數目控制喺10位內，以保證食品質素。

UMI食品份量適中，食物質素新鮮有保證；魚生種類包括吞拿魚、金目鯛、帆立貝、海鰻、牡丹蝦同拖羅等，油份滿分、入口即融。

地址：上環荷李活道159號地下3號舖
電話：29563177

美國運通卡會員優惠：

除咗以上三間餐廳，喺2023年6月30日前，憑合資格美國運通卡喺指定餐廳簽賬，可獲高達7折優惠。立即睇吓邊間餐廳啱食啦！