中環蘇豪粉紅打卡甜品cafe飲吧 珍珠奶茶梳乎厘班戟＋QQ窩夫撻｜區區搵食
撰文：Sakura 攝影：Issac
中環蘇豪甜品cafe 粉紅打卡主題
中環蘇豪區有一間以粉紅作主題的甜品cafe「飲吧」，由一班年青人經營，希望將有本地特色的飲品和甜品帶給一眾食客，店子位於PMQ元創方旁邊，星期五六更開至凌晨2點，適合晚上仲想食甜品的夜鬼們！店子全店都選用粉紅色調，無論牆身、座位、壁畫、咕𠱸都是粉紅色，充滿少女風味！
造型可愛QQ窩夫撻
店內提供一系列打卡甜品和飲品，其中最具人氣就是梳乎厘班戟系列、QQ窩夫撻系列、特色飲品等，款款賣相吸引，適合一眾少女們去潮聖打卡！店內打卡甜品之一「沖繩海鹽檸檬QQ窩夫撻」，窩夫撻即叫即製，咬落香脆，上層放上Tiffany blue顏色的海鹽雪糕球，再配上檸檬醬，食落酸酸甜甜，入口即溶，相當開胃！
另一款益力多提子蘆薈QQ窩夫撻同樣吸引！益力多雪糕味道濃郁，入口幼滑，旁邊灑滿蘆薈粒，口感Q彈，甜甜提子香味，與益力多雪糕相當夾，清新爽甜。
鬆軟綿密梳乎厘班戟
至於招牌珍珠奶茶梳乎厘班戟，每日新鮮即製，班戟入口鬆軟，口感綿密，蛋味香濃，店主更會唧上自家製珍珠奶茶cream，食落會有陣陣奶茶香，非常creamy！另會配上Q彈珍珠和新鮮水果，令味道更鮮甜。
櫻花車厘子梳乎厘班戟，同樣即叫製，唧上香滑奶油cream，配上車厘子和藍莓醬，咬落軟綿綿，每啖都有果醬的味道，班戟顏色非常粉嫩，與店內環境相當夾，打卡一流！
夏季新品 3層英式下午茶
假如結伴前來，推介點叫呢set全新嘅 3層英式下午茶，包含6月新品法國入口6色芝士蛋糕、牛角包三文治、迷你撻及2杯指定飲品（原價$320） 。
神秘之壺、迷你撻
「神秘之壺」亦係專為夏天設計嘅全新特飲，首引進英國「無酒精蒸餾酒」品牌 Seedlip，香草味夾雜淡淡的雲呢嗱、白桃和蛋白泡香味，教人一試愛上！配以自選迷你撻（熱選：特濃流心朱古力、芒果、紫薯和焦糖蘋果），更加相得益彰。
酒釀芝麻奶、自家烘焙曲奇餅
另一款夏日推介有「酒釀芝麻奶」，以冰凍酒釀同明治4.3特濃牛奶，倒入熱騰的芝麻糊，撞調出味道甜潤微酸、層次多樣的「酒釀芝麻奶」。
真材實料陳皮奶蓋紅豆沙
店內其中一款充滿本土特色的飲品，就是陳皮奶蓋紅豆沙，先將紅豆沙熬煮2小時和放入10年陳皮，使紅豆沙味道清甜，入口軟腍，陳皮味香濃。另店主為了保留陳皮的香味，會將陳皮磨成粉，灑上芝士奶蓋面上，散發陣陣陳皮香。
夏日炎炎，飲番杯冰涼菠蘿冰就最啱！店主用上原個菠蘿仔製成，菠蘿味香濃，清爽鮮甜，消暑解渴一流！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
