【出街搵食】工廈古董音響＋黑膠店！隱藏手工咖啡店 ｜葵涌咖啡店｜
黑膠碟＋開盤帶！邊修復古董唱機邊沖咖啡
店主 Eric，架著文青圓眼鏡，圍著牛仔布圍裙，打扮像個中上環咖啡店的Barister，想不到，他已是兩個孩子的爸爸，而靠調校音響，沖泡咖啡，擔起一頭家，只是兩年前開始的事。「我做聖誕裝飾廠，做了十幾年，兩年前生意北移，冇得做就焗住轉行。」他說，中年轉行，跟數字行先的出口生意南轅北轍，選擇浪漫感性的音樂和咖啡，一切只是隨遇而安。
做音響，也一波三折，由自家手穿Signal線開始，發燒友卻看不起本地貨；轉去收購英國的古典音樂黑膠來賣，市場冇肉食； 現在，又得轉做Open Reel開盤磁帶，比黑膠更懷舊的音樂載體，唱盤像精密的實驗室儀器，對每天拿著i Phone聽歌的筆者而言，這就像00後小孩看到菲林一樣。他解釋，當七、八十年代音樂數碼化後，Open Reel便開始沒落，只剩下少量錄音室在用，開盤帶其實是黑膠碟的母帶，更原始的聲音。
近年，音響界Open Reel緊隨黑膠回潮， Eric從外國趁低價入貨，收回一台又一台的古董唱盤，像個鋼琴師一樣，仔細修復調校，免費好音樂，都得有聽眾，Eric便想出用咖啡引玉。
半年深造！新手用心沖咖啡
「半年來，我由一個唔飲咖啡的人，變成一個煮咖啡的人。」為了在音響Showroom開設小小的coffee corner，讓客人可以歎住咖啡，享受音樂，特地放低工作，花了半年時間學沖泡咖啡。Eric沖咖啡就像調校Hi-Fi一樣認真，咖啡吧除了磨豆器、電子磅、手沖壺、粉壓等器材，還有就是他的筆記memo，上面寫著份量溫度，各個細節，像物理筆記。
而且，小角落咖啡豆也有很多選擇，Espresso blend，單品豆也有，且只選本地炒豆師出品，很新鮮。Eric給了我試飲一杯Ethiopia的手沖，又趕緊放下唱針，播了一張張國榮《Salute》的絕版黑膠，這種音質，配上哥哥的歌喉，再有咖啡淡淡果酸在口中散開，聽著喝著便不知時日，直至Eric提醒要落街收易拉架，回家飲湯。「創業難，冇屋企人支持唔得，雖然唔知最後成唔成功，但音響同咖啡都係專業，至少將來可以去Mc Cafe沖咖啡，而且老婆冇畀過我壓力，從來只有一個要求，就係要畀自己休息。」
樂啡 Lofe
地址：葵涌葵豐街1-15號盈業工業大廈10樓1006室（顯示地圖）
電話：5102 0700
營業時間：星期一至五 10:30am-7pm ；星期六 10:30am-2pm（星期日休息）
備註：1. 以上咖啡品項，為試豆價錢。2. 不設加一；只收現金
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
