香港韓式拉麵自助店！最平$24起 全程自助DIY：17款即食麵＋打卡拉麵牆

香港都有韓式自助即食麵店！韓國人主理：17款湯／撈麵自助揀

最近在港島北角內街，有一間韓式拉麵自助店悄悄進駐，引來網民和一眾識食之人關注。Noodle Bridge由韓國人主理，將韓國流行的自助拉麵店帶到來香港。有別於大多韓國店的是24小時營業，香港這間小店每日只開到9pm，但是由揀麵款到整個淥麵過程，跟韓國店一樣都是自助形式。

一入舖頭，就會見到店子標誌的拉麵打卡牆，放滿各式各樣的韓版即食麵款式，如辛辣麵、炸醬麵、三養辣雞麵等共17種不同麵款。即食麵價錢$24-$30一份，除了即食麵，亦可以加購配料：$4泡菜、$4生雞蛋、$4芝士、$6/3條腸仔、$6/2片午餐肉。有網民批評：「$24食個即食麵太貴」、「返屋企食拉麵算啦」，但是亦有網民認為店舖夠綽頭，體驗新鮮。

全程自助淥麵！記者實試全程體驗

記者當日避開午市時間到店，店舖只有1-2枱客人，全店約有近10個座位，分別有高枱和2人座位。整個空間不算寬闊，一眼睇得晒。客人可以先到拉麵牆選擇心宜拉麵，再到收銀處付款，然後職員便會提供即食麵紙兜供客人淥麵。

店子設有6個淥麵機，淥麵區會張貼文字教學，指導客人如何㩒掣操作淥麵機，有疑問的話，亦可向在店職員查詢。

湯麵和撈麵的煮法大同小異，都是先放好紙兜，再放上麵餅和調味料，然後加熱水，等待沸騰即可。如果加購了配料，職員亦會提供協助，指引客人何時要加入配料。整個過程方便，只要㩒幾個掣就食得，還有堂食用餐區，可以跟朋友約埋一齊食添。

記者認為過程都好方便，帶多種麵款選擇，即使中途有疑問，都有店員在場解答。不過食物方面，即食麵定價最平$24，對街坊和學生而言，價錢略貴，如果連配料一併柯打都要近$30！但是綜觀而言，雖然即食麵定價比起便利店的貴，但是可以有全新的體驗和設有堂食區，對於放學後的學生或街坊，作為三點三下午茶，未嘗不可。

餐牌

• 店名：Noodle Bridge
• 地址：北角和富道84-94號銀輝大廈地下2號舖
• 營業時間：星期一至日11am-9pm