青衣戲棚 一年一度夜市! 試食爆芝流心玉子燒與5大小食
廣告
上年 青衣戲棚 十分熱鬧，除咗去睇戲之外，相信大家都記得上年嘅電鑽原個西瓜，令到戲棚隔離嘅小食攤檔人流絡繹不絕，好多人都去趁熱鬧打個卡，掃街邊小食～ 今年青衣戲棚都不知不覺地開鑼，已經有唔少小食攤位正式開檔。同時，大家要留意番到晚上六點，各個攤檔都開得七七八八。今年真君誕由18/4到22/4，而天后誕由7/5到11/5，收到探子回報今年嘅小食情況，一齊嚟睇下今年青衣戲棚有咩好食啦！
2. 爆芝流心玉子燒 $30
3. 鵝肝多士 $30
4. 燒棉花糖串 $10 + 燒棉花糖夾餅 $10
5. 榴槤布丁 $15
6. 椰汁千層糕 $25
同場仲有好多好多小食，包括有$30一大盒嘅雪糕香蕉船、手抓餅、熱狗、芝士年糕，真係數都數唔哂呀！香港地嘅夜市真係買少見少，大家要趁呢個機會去下！
青衣戲棚 ﹣ 天后寶誕
地址：青衣青綠街原居民球場（顯示地圖）
日期：
真君誕：2016年4月18-22日
天后誕：2016年5月7-11日
下頁續：特色檔口48號！惹味醉雞翼及自家涼茶！
根據網民Yan Yan爆料，話戲棚入面除左串燒阿…臭豆腐阿呢啲常見嘅食物之外呢，原來重有好多好惹味嘅特食小食！
就好似48號檔咁，除左有家制涼茶之外，重有醉雞翼，奇味雞翼尖、蒜香鴨舌…真係見到啲圖都流哂口水啊！
每樣食物都有辣有唔辣，唔食得辣既朋友都唔洗驚啊！聽講食物嘅價錢唔貴，媽啊！好想去買嚟食啊！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
