日系慢活提案！青衣城4大和食餐廳推介+減壓玩樂一站式攻略

とん吉日式吉列豬扒專門店 【青衣城店限定】膠原蛋白美食套餐

想同屋企人食一餐精緻又美顏嘅日式定食？新開嘅とん吉日式吉列豬扒專門店 ，特別為青衣城店推出「膠原蛋白美人吉列定食套餐」，原價$980，現只需$668，優惠期至6月30日！呢個套餐真係一個「美人」體驗，由三色前菜（膠原蛋白醋蕃茄、冷豆腐、八爪魚芥末毛茄）開始，清新開胃，已經令人食指大動。

主菜方面有雜錦刺身（吞拿魚、油甘魚、甜蝦），吉列盛合更加係亮點，包括上級豬扒、深海大蝦同廣島生蠔，外脆內嫩。食完仲有美顏效果，絕對係送俾媽媽嘅最佳禮物！

溫馨提示：呢個套餐需提前2天預約，只限青衣城分店供應。

とん吉日式吉列豬扒專門店

地址：青衣城1期2樓212A號舖

查詢電話：5508 7029

丸亀製麵 烏冬控必試

如果想食地道日式烏冬，丸亀製麵嘅手打烏冬絕對唔會令你失望！即叫即製嘅烏冬口感彈牙，湯底用鰹魚熬製，鮮味十足。推薦「釜揚烏冬」配海老同野菜天婦羅，性價比超高，仲有多款炸物任你選擇。

丸亀製麵

地址：青衣城2期2樓225號舖

查詢電話：2344 0083

燒肉LIKE 日式燒肉體驗 和牛盛宴

青衣城嘅「燒肉LIKE」一定滿足所有燒肉控！嚟自日本東京嘅人氣燒肉店，今次推出期間限定「南非和牛肩胛肉三重套餐」，只需$98起，就可以品嚐到M8/9級南非和牛肩胛肉、彈牙牛舌同香濃牛五花，肉質細嫩多汁，入口滿滿幸福感！想再豪一啲？加配$48/50g單品，仲可以試多份頂級和牛滋味。

除此之外，燒肉LIKE仲有其他限定美食，例如「豬頸肉」（限時優惠價$22） 同「蒜香牛油北海道帆立貝」（$22/4件），鮮甜彈牙，完美平衡肉類嘅油膩感。燒肉LIKE主打一人燒肉體驗，環境時尚，無論係二人世界，定係全家出動，都可以輕鬆享受燒肉嘅樂趣。優惠只到4月尾咋，記得把握機會！

燒肉LIKE

地址：青衣城1期2樓212號舖

查詢電話：2692 8818

壽司郎「三貫祭」抵食壽司盛宴 驚喜連連

講到日式美食，點少得壽司？壽司郎今個月再度推出人氣「三貫祭」，即日起至4月底，超值3貫壽司低至$17起，CP值爆燈！「吞拿魚三味」或者「天然魚三味」，每一件都充滿鮮味，食材優質。如果屋企人係肉食愛好者，推介「肉肉肉三味」，肉質軟嫩，油香四溢，保證滿足！同場加推嘅A5黑毛和牛西冷同港式奶茶卡達拉娜更加係驚喜之選。

• 「吞拿魚三味」（黑鮪中吞+藍鰭赤身+吞拿魚蓉，$39）
• 「天然魚三味」（宗八鰈魚+拖羅鰹魚+沙甸魚，$17）
• 「肉肉肉三味」（牛腹胸+壽喜燒牛排+雪花和牛，$27）

壽司郎

地址：青衣城1期2樓211號舖

查詢電話：2630 8428

新減壓體驗感受假日慢活

食完飯想搵地方減壓，青衣城嘅「Cheer Up 打氣樂園」可以滿足到你。即日起至5月12日，有3米高巨型充氣「青新仔」笑住幫大家Cheer Up，逢星期六、日及公眾假期，場內更會出現大量充氣不倒翁，打卡之餘順便幫大家打打氣~如果想放空，可以由青衣城走出海濱長廊，夜晚靜靜散步睇海吹吓海風，絕對係假期嘅完美ending！

（Presented by 青衣城）