新年Party必備！Häagen-Dazs™ 迪士尼雪糕火鍋 3大賀年新食法
轉眼間就踏入2023年，好快到農曆新年！過年點少得去親朋好友家拜年及送上祝福？今年一於搞搞新意思，送上3個雪糕火鍋新食法，只要花點心思，就可以輕鬆整出賀年甜品，等大家可以帶住雪糕火鍋去新年Party。有得玩，有得打卡，大人同小朋友都食得開心！
全新限量！Häagen-Dazs™ 迪士尼雪糕火鍋
Häagen-Dazs™雪糕火鍋一向都大受歡迎，今次與迪士尼聯乘推出限量雪糕火鍋系列，3款經典人物火鍋爐款式包括米奇、米妮及唐老鴨。有得玩、有得食、有得打卡、火鍋爐又可愛，更甜到入心！
外賣套裝包括
- 角色造型火鍋爐1套
- 火鍋叉2支
- 32球指定口味Häagen-Dazs™迷你雪糕球*：芒果紅桑子、芒果、朱古力、焦糖脆餅、夏威夷果仁、士多啤梨、士多啤梨芝士餅、藍莓（各4球）
- 240ml朱古力醬1包
額外優惠
- 雙球雪糕買一送一優惠券1張
- HK$80雪糕蛋糕優惠券1張
- 補充裝折扣優惠券1張
雪糕火鍋新食法1：「盆滿缽滿」
脆皮朱古力＋焦糖脆餅雪糕＋椰絲果仁＋彩色朱古力針
將焦糖脆餅雪糕球點朱古力醬，面頭灑上少許椰絲及果仁碎，再加上色彩繽紛的朱古力針，「盆滿缽滿」大功告成！
雪糕火鍋新食法2：「朱事順利」
脆皮朱古力＋朱古力雪糕＋杏仁碎＋棉花糖＋朱古力醬
將朱古力雪糕球點朱古力醬，面頭灑上杏仁碎，再加棉花糖粒、淋朱古力。三重朱古力口感衝擊味蕾，朱古力迷一定要試！
雪糕火鍋新食法3：「迎金接福」
脆皮朱古力＋芒果雪糕＋水果＋焦糖醬
想試試用其他雪糕口味的話，可以將芒果雪糕球點朱古力醬，加生果後淋焦糖醬，整返串「迎金接福」，夠晒好意頭！
浪漫之選！Häagen-Dazs™ 外賣雪糕火鍋
除了迪士尼雪糕火鍋系列，Häagen-Dazs™ 今年更以「Be My Guest」為主題，推出全新造型外賣雪糕火鍋。底座設計用上獨特的幾何形狀，配以鍍上金邊的寶石形掛鍋，氣氛十足。唔止新年Party，仲好適合情人節同另一伴一齊Share。食完雪糕火鍋，更可留下玻璃火鍋爐，二次使用變成氣氛燭台，好浪漫！
立即預訂！新年＋情人節必備雪糕火鍋
以上Häagen-Dazs™ 雪糕火鍋即日起接受預訂！除了可於Häagen-Dazs™專門店選購，亦可在Häagen-Dazs™網店 https://eshop.haagendazs-gifting.hk/ 訂購。想過個有氣氛的新年Party同情人節，一於同摯愛分享雪糕火鍋！
*雪糕口味及食材會因季節性及貨源略作調整；圖片只供參考。
（Presented by Häagen-Dazs™）
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
