金雞賀歲新春「富貴」雞宴　新年豪食一次

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Jan 10 2017

（Presented by 澳門英皇娛樂酒店）

就嚟新正頭，趁住嚟緊係雞年，我Dining娜理所當然要介紹大家食靚雞啦！由中澳門英皇娛樂酒店菜廳皇廷閣中餐行政總廚林國榮師傅聯同新加盟嘅點心總廚黃廣黌師傅攜手呈獻嘅「金雞賀歲新春創意名菜」，以雞做主題打造足足13道佳餚同埋8款精緻點心，所有菜式都用上等雞肉或者A級雞蛋為食材之餘，個別菜式仲可以揀嚟自法國布雷斯嘅頂級「雞皇」藍腳雞入饌，夠晒矜貴！原來食雞都好可以創新夠潮、好睇兼好味！趁住新春佳節，一家人齊齊食餐好，迎接雞年！

特色主菜重手工心思

皇廷閣啱啱推出嘅「金雞賀歲新春創意名菜」，每道主菜都揉合咗傳統粵菜精髓，以新派烹調巧手精製，我Dining娜有幸試過，確係有料到，名不虛傳喎！我最like「電飯煲鹹香雞」、「廚皇手吊脆皮雞」同「富貴法國雞」，3隻雞3種唔同風味，超正！先講鹹香雞，用靚家雞配上乾蔥、薑、蒜、芫茜、肉蔥、自家製鹽焗雞粉等多種材料醃製，利用電飯煲嘅熱力生煏煎香雞身，加上陳年花雕酒香，雞熟後揭蓋嗰一刻雞香湧晒埋嚟，令人流晒口水！仲有隻廚皇手吊脆皮雞都係呢度嘅招牌菜，以人手吊起足斤鮮雞，用熱油淋12分鐘至熟，令雞皮玻璃脆薄、肉質依然軟熟鬆化，呢道菜好明顯係食師傅心思同手工啦，難怪唔少KOL食過都讚水準超高！至於個富貴法國雞就更加不得之了，真材實料，仲要落好多心機時間去整！而家只需要加$1,500，即可以改以被譽為「法國國雞」嘅藍腳雞入饌，同家人朋友細味法國風情真係唔錯，新年豪食一次絕對物超所值！

精緻點心內外兼備

除咗滋味雞宴主菜外，仲有一系列新春精緻點心，款款外表卡娃伊深得小朋友喜愛，餡料好考功夫，大人食過都會覺得好有心機，真正內外兼備，可愛又好味！我最鍾意食「型格雞仔酥」，鬆脆金黃外皮包住上等靚蓮蓉，口感好豐富！另外由黃師傅自創嘅「太陽蛋流沙包」都唔錯，奶黃直情係我「飛佛」啦！仲有傳統包點換上可愛新裝嘅「卡通雞仔包」、即叫即做嘅「焗雞蛋布甸」、夠晒香口惹味嘅「咖哩雞粒酥」、以「雙蛋合璧」創製嘅「雞蛋黃金煎堆」，同埋甜而不膩嘅「椰汁桃花糕」等等，樣樣點心好睇又好味，令我影唔停、更加食唔停！

精選套餐物超所值

係咪心大心細食唔知食邊樣好？我Dining娜八到，酒店為咗令顧客一次過品嚐多款「金雞賀歲新春創意名菜」同點心，會推出2款新春精選套餐，每人都係$380咋！老實講，嚟酒店餐廳食飯，仲要係新正頭，計落每人閒閒地都要成$700先得啦，而家每人$400唔駛就食到咁有特色嘅新春滋味雞宴，我Dining娜無介紹錯啦？！

金雞賀歲新春創意名菜（套餐A）

蜜汁叉燒伴62℃煙燻糖心蛋

烏天麻人參氣鍋烏雞桂花炒瑤柱

雞樅菌蘿蔔半煎煮龍躉

雲腿娃娃菜

糯米釀雞翼

濃雞湯蟹肉片兒麵

椰汁桃花糕伴雞蛋黃金煎堆

環球鮮果碟

每位$380（2位用）

金雞賀歲新春創意名菜（套餐B）

蜜汁叉燒伴62℃煙燻糖心蛋