【我最喜愛食材選舉冠軍- 雞翼】10萬人投票 雞翼擊敗芝士 高票勝出！

撰文：Tai 攝影：Fion、Issac

雞翼高票勝出！「我最喜愛食材選舉2019」冠軍

1月尾《 新假期 》舉辦了年度「 我最喜愛食材選舉2019 」，希望了解香港人口味。《 新假期 》網站選出10款搜尋率最高的話題食材，設立網上投票網站， 請讀者選出心目中最喜愛食材。我們更請來Bosco、林二汶、麥玲玲、陳柏宇、家燕姐和黃婉曼落力拉票， 經過兩個月投選期，投票人數達102,708， 網站總瀏覽量高達40萬人次。

睇圖就知戰況激烈，經過兩個月投票，冠軍終於誕生，由雞翼以31,816當選，成為港人最喜歡食材之最！

雞翼 香港人有幾鍾意食？

這次投票，雞翼大比數勝出，其實不無道理，看看以下數字，就會知道香港人愛吃雞翼的程度有幾高。

1. 每人每星期食8隻！

曾有一份香港兒童飲食喜好調查， 發現雞翼是其中一種最受小朋友歡迎的食物，由此可見， 香港獨步天下的雞翼文化，原來從小培養。香港人到底有多愛雞翼？根據統計處數字顯示，香港每年入口逾1.3億公 斤雞翼，按740萬人口推算，平均每人每年進食 17.5公斤（約40磅）雞翼，以每磅有10隻計，即 一年食近400隻，平均一星期食8隻，認真誇張！

2.雞翼大細不均 搵議員幫拖

最近政圈流傳立法會議員譚文豪就預算案向懲教署書面提問，要求囚犯膳食雞翼加倍。原來他收到很多在囚人士投訴，雞翼大細參差很遠，要求改善。譚議員表示平時我們未必在乎雞翼大細，但在囚人士物質不豐裕，膳食就係生活一部分，加多份雞翼又無須加很多錢，所以作出書面提問，引起關注。

3.麥當勞脆香雞翼 是非多

要數最惹火，一定是麥當勞的脆香雞翼，皆因不時惹起全城熱議，好像2017年年底，店方推出新規定，脆香雞翼不准食客選「 全翼 」或「 全膇 」，政策一出，網民怒呼無人權，店方以一句「會不時檢討營運模式」作回應。另外又好像年初，麥當勞改例，一盒雞翼跟一包泰式酸辣醬，額外醬料每包$1。有人贊成做法夠環保；亦有人指店方太孤寒，一包醬根本不夠用。

4.周星馳真心like燒雞翼?

如果你是周星馳粉絲，一定發現，雞翼在電影中老是常出現。《 唐伯虎點秋香 》中，唐伯虎出場第一幕就是用大毛筆為雞翼掃蜜糖，鏡頭一轉，他又捧著雞翼入內堂招呼八位「 嬌妻 」。之後就唱了膾炙人口的燒雞翼歌：「燒雞翼，我鍾意食…… 如果而家唔食以後無機會再食。」之後的《 大內密探零零發 》、《 西遊記大結局之仙履奇緣 》、《 喜劇之王 》都不時見到雞翼登場。

據知原來星爺自幼家貧，吃雞翼的機會不多，媽媽知他愛吃，都會讓給他，而他亦想盡辦法想讓母親多吃點，故此雞翼就成了星爺心中的頂級美食，亦暗藏了他對媽媽的感情。