【邪惡Comfort Food】雞翼放題自助餐最新合集！旺角Cafe$88任食＋中環專門店11款口味｜周末愛放縱
撰文、圖片來源：新傳媒資料室、官方圖片
雞翼放題合集推介1！
旺角$88任食雞翼放題 下午任食4小時
旺角Coffee Lowa（龍華軒咖啡室），是家以雞翼放題作主打的Cafe，由兩位年輕老闆「阿毒」和拍檔「 求其 」經營，他們表示這間餐廳已經開業6年，但位於後街商廈，下午經常拍烏蠅，令他們很苦惱，有次與一班朋友出來飲酒商討，結果就開始了雞翼放題這個新嘗試。$88的任食雞翼，推出後生意就開始好轉，最近連晚市都有做雞翼放題。
四款口味任食唔嬲！
八成客人都是為放題而來，粗略估計，每人大約食二、三十隻。老闆二人每日要處理近千隻雞翼：解凍、洗淨、醃味，一盒盒裝好，有柯打，才開始炸。炸好灑上淮鹽、香蒜粉、香草料調味或蜜糖，做成4款口味。人客一坐低，先每款口味奉上8隻，食完再加單。
任食雞翼逐款睇
Coffee Lowa（龍華軒咖啡室）
地址：旺角登打士街36號恆威商業中心17樓（顯示地圖）
電話：2651 8033
Facebook專頁：Coffee Lowa
營業時間：星期一至六 2pm-11pm（星期日休息）
雞翼放題
收費供應及時間 : $88/位 星期一至六2pm-6pm、6pm-8pm、8pm-10pm
備註：設加一，收 PayMe及現金
雞翼放題合集推介2！
銅鑼灣龍門冰室推$20雞翼放題
平常一份雞翼閒閒地需要$30-$40，現在銅鑼灣龍門冰室則推出新優惠。只需惠顧其鐵板餐或精選晚餐，每人加多$20即可任食4款口味雞翼，有蜜糖、椒鹽、瑞士及土匪口味可選，就連港人大愛的黑松露薯條也可任食！鐵板餐由肉扒到海鮮都有，最平$70有交易，選擇豐富又抵食。不過雞翼放題只限晚市供應，即是6pm-12:30am，大家可要留意。
銅鑼灣龍門冰室分店
地址：銅鑼灣登龍街28號永光中心地下（顯示地圖）
電話：2413 4168
Facebook：龍門冰室
營業時間：星期一至日 7am-1am
放題供應時段：6pm-12:30am
雞翼放題合集3！
中環雞翼專門店 周末限定任食11款口味
本於網上開雞翼店的Wingman，今年6月在中環開實體店，同樣獨沽一味賣雞翼，且一到周末就會搞搞新意思，推出2小時雞翼放題，有11款口味可選，當中亦不乏自創口味，如黑芝麻蜂蜜海鮮味、新加坡辣蟹味、死神辣醬雞翼、咖啡味等，當中的死神辣醬雞翼是用上有「世上最辣」之稱的死神辣椒醬Carolina Reaper，一咬舌頭已立即麻痺，啱晒嗜辣朋友。雞翼放題現時只於周末12nn – 4pm供應，每人$350，任食2小時，快啲約朋友嚟試！
全店眾多口味雞翼中，要數這3款最受歡迎：水牛雞翼香香辣辣、加州風味蒜香突出惹味，而黑芝麻蜂蜜海鮮就帶香甜蜜味，各有特色。
加入了巴馬臣芝士、蒜蓉和香芹，味道富鹹香且帶點點芝味。
以參巴醬、辣椒等調味，香濃惹味帶點辣勁。
有點似Tabasco的辣味， 辣中帶酸，辣勁頗強。
微酸微辣，很醒胃，很清新，食多幾隻也不膩。
Wingman
地址：中環閣麟街 37-43 號祥興商業大廈6樓（顯示地圖）
電話：3426 2418
Facebook：Wingman HK
營業時間：星期一至五12nn – 11pm ；星期六至日12nn – 4pm、6pm – 11pm
雞翼放題
收費供應及時間：$350/位 星期六及日12pm – 4pm
備註：設加一
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
