夏天前歎 雞煲火鍋 !! 創意食法： 麻辣雞汁配煎米粉餅
廣告
當雞煲不再是熱潮後， 雞煲火鍋 店難免被汰弱留強，今次Hello Pinkey周圍食試食的是1間元祖級店舖，多年前曾光顧，驚喜是發現雞煲新食法：煎米粉餅配雞煲，麻辣雞汁鋪滿外脆內軟的米粉餅，的確幾好食！另外，配料必點即叫即炸的響鈴，丸類要選牛骨丸，咬開爆汁，想知詳情？即刻去片及睇詳細介紹！
元祖 雞煲火鍋
此 雞煲火鍋店 在荃灣起家，不少人曾專登走入荃灣幫襯，直至現時有7間分店，最新1間在銅鑼灣，此店的雞煲難分是深圳抑或四川式，據老闆所講是自創的花款，雞煲汁不多不少，剛好每件雞都厚厚地沾滿辣汁，入口先甜，有陣花椒味，辣味後勁挺強。雞件用龍崗雞，肉質滑，雞件分量多。
不少人食雞煲，雞是配角，食麻辣汁才是主角，推介柯打煎米粉餅，一般在大牌檔會配滑蛋蝦仁，今次試用來襯雞煲，辣汁盡滲入煎至外脆內軟的米粉餅，香脆麻辣。
推介配料：爆汁牛骨丸
食完雞煲當然是打邊爐，丸類要試牛骨濃汁牛丸，咬開爆汁，牛味好濃，愛吃牛人士應該會喜歡，否則有機會覺得膻。
即炸響鈴大大件，咬落鬆脆，放入麻辣汁2秒就好「上水」，否則變發水響鈴很難吃。
火鍋料之外，有另一必吃是溏心皮蛋，睇見溏心都流口水！
每人必點 巨型凍檸茶
店舖的另一招牌竟然是巨型的凍檸茶，採訪當日眼見幾乎每人都點1杯，老實說，味道不過是普通凍檸茶1杯，但大大杯襯雞煲的確夠爽快。
矜貴花膠雞煲
老闆說原來每開1間新分店，便會新增1款雞煲，如最新的銅鑼灣分店就多了花膠雞煲。
一品雞煲火鍋
地址：銅鑼灣謝斐道483-499號新城大廈1樓全層 （顯示地圖）
電話：2670 3337
備註：另於荃灣、紅磡、土瓜灣、旺角設分店
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
