熟食中心茶檔 即叫即炸！黃金 粒粒西多士 ~ 獨門九棍起肉炸魚皮！ |鴨脷洲食乜好|
廣告
全港十多二十家的熟食中心，不少都依附街巿而建，賣的大部分都以地道食品為主，咖啡奶茶特餐、粥粉麵飯、舊式點心。不過在鴨脷洲熟食中心這家熟食檔，卻因為就近香港仔巿場，除了賣一般粉麵外，還供應自攜海鮮加工，另外，還有粒粒西多士、幾近失傳的獨門炸魚皮，連蔡瀾都在專欄介紹過！
text : Popo photo : Fion
生炸九棍魚皮 要食碰運氣
「以前有人用門鱔，不過門鱔太大條，邊有咁大個鑊炸？我哋用九棍，海魚嚟㗎，唔係成日有。」陳新記老闆忠哥教路，用九棍魚，也要識揀，即使兩條大小相同的，淺水的薄鱗、深水的厚鱗，前者炸出來會縮作一團，後者炸出來大塊薄身，特別香脆。「逐塊起肉，皮用來炸，肉做魚蛋，以前我老竇、師傅都係咁。」但這幾年九棍魚供應量少，供不應求，於是魚蛋已用來貨，九棍魚皮，也要看每日漁家漁獲，想食要看運氣。
1條九棍1塊魚皮，這塊足12cm的連尾魚皮十分難得，薄薄上生粉去炸，脆如薯片，帶淡淡鹹鮮，佐啤酒一流。
即看！老闆示範
1. 近1斤重的九棍魚，要專程向漁民取貨。
2.劏好起骨去肉，剝出魚皮。
3.沾上炸粉，分量不能太多或太少。
4.原塊放入炸爐，魚皮炸至金黃色即成！
兩大炸物 粒粒西多士 +炸雲吞
雖然九棍魚皮未必有得吃，不過這裏還有兩大炸物，一為炸雲吞，是老闆娘親手包成，有點似舊式錦滷雲吞的模樣，皮多餡少，特別香脆，餡料還加了香信菇，菇香濃濃；粒粒西多士，上年才推出，炸得外脆內軟，加上極多煉奶、花生醬，假日可賣70客。
包括炸雲吞、炸魚角及炸魚皮，因九棍數量有限，三寶只用來貨的炸鰱魚皮，雲吞皮多餡少，傳統的做法，像在吃薯片一樣脆。
圖為2客分量，麵包切到像麻將大小，沾蛋漿去炸，加點牛油、花生醬及煉奶，趁熱吃外脆內軟。
新界屠房新鮮劏的牛腩，雖是碎腩，但燜得軟腍入味，有雪藏牛腩沒有的鮮味。
老闆忠哥及太太，鴨脷洲熟食中心未開前，忠哥自小就跟爸爸在大街上擺檔，是香港仔的老街坊。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
