阿華田 控注意! 4款新出阿華田甜品！大福+芝士蛋糕超好味
廣告
相信不少人都是 阿華田 的粉絲，除了飲得，華田其實都食得。今次就有麵包店，推出了4款阿華田新品，包括蛋撻、大福、芝士蛋糕以及黃金蛋糕。記者作為一個阿華田粉絲，立即就去試味，睇睇好唔好食！
撰文：Mandy｜攝影：Fion
4款 阿華田 新品！芝士蛋糕最好食
超羣餅店的出品一向受歡迎，採訪當日亦非常旺場，今次推出的冬日阿華田系列，價錢抵食，而且把大家由細飲到大的阿華田加到食品中，港式風味爆燈，冬天配返杯暖笠笠的熱華田，做個全餐就啱晒喇。
阿華田大福 夠皮薄 $8/個
以阿華田吉士作餡料，加入朱古力粒，增加口感。大福的糯米皮每日由師傅新鮮搓製，非常煙韌，而且夠晒薄身，抵讚，不過始終是糯米製品，食完一個都幾飽肚。
阿華田珍珠撻 充滿口感 $9/個
近年蛋撻愈來愈多口味，今次輪到阿華田味，食落華田味比較淡，所以不會蓋過蛋撻的蛋香，加埋珍珠煙韌的口感，可以一試。
記者至愛！阿華田芝士蛋糕 $30/個
芝士蛋糕食落非常鬆軟，華田味香濃，而且不會太膩，細細個加上價錢抵食，是4款新品中的記者最愛，即使買來做生日蛋糕亦絕不失禮。
阿華田黃金蛋糕 華田味略淡 $25/個
黃金蛋糕口感鬆化，雖然蛋糕本身很好吃，不過華田味比較淡，有點像朱古力蛋糕。
Maria’s Bakery 超羣餅店
分店地址：按我
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
