開心果美食一覽！22大必食爆紅新品：開心果金莎/麻糬布甸/泡芙/牛角包

開心果美食｜1.荃灣「 泰興餅店」$10開心果燒餅

荃灣人氣街坊麵包店「 泰興餅店」，繼早前推北海道3.6牛乳開心果撻後 ，近日再出新品$10開心果燒餅！新品開心果燒餅採用自家製的開心果粒及開心果醬製作，燒餅口感煙煙韌韌，開心果味濃郁，層次豐富！大家想食嘅就要留意出爐時間啦！

• 餐廳：泰興餅店
• 價錢：開心果燒餅＄10
• 出爐時間：星期一至五12:30pm﹑星期六至日及公眾假期2:00pm
• 供應分店：荃灣海壩街50號滿樂大廈地下3號舖﹑荃灣海盛路28號祈德尊新邨商場1樓2號舖
• 備註：每日數量有限，售完即止。
• Instagram專頁：IG @taihingcakeshop

開心果美食｜2.荃灣「 泰興餅店」$10 北海道3.6牛乳開心果撻

「 泰興餅店」推出一系列開心果產品，例如超人氣的北海道3.6牛乳開心果撻。這款開心果撻選用了自家製開心果醬、北海道3.6牛乳開心果蛋漿製作，焗至半熟後面層灑上開心果碎，啖啖濃郁堅果香！大家想食嘅就要留意出爐時間啦！

• 餐廳：泰興餅店
• 價錢：北海道3.6牛乳開心果撻＄10
• 出爐時間：星期一至五12:30pm﹑星期六至日及公眾假期2:00pm
• 供應分店：荃灣海壩街50號滿樂大廈地下3號舖﹑荃灣海盛路28號祈德尊新邨商場1樓2號舖
• 備註：每日數量有限，售完即止。
• Instagram專頁：IG @taihingcakeshop

開心果美食｜3.「嘉多娜餅屋」一餅難求！$10開心果燒餅 日賣過千件

人氣港式麵包店「嘉多娜餅屋」繼推開心果泡芙、開心果布丁包之後，近日又推出新品$10開心果燒餅！嘉多娜9月6日起新出的$10開心果燒餅再次引起 「香港開心果關注組」成員瘋狂，紛紛到店內排隊搶購，高峰時期更日賣過千件！嘉多娜餅屋的開心果燒餅選用來自意大利西西里及美國產地的開心果粒自家研磨，燒餅包裹着開心果仁碎及芝麻製成內餡，香軟煙韌，開心果味濃郁加上開心果粒增添口感，層次豐富！大家想食嘅就要留意出爐時間啦！

• 店名：嘉多娜餅屋
• 地址：佐敦文苑街1-23號文英樓地下1號舖（出爐時間：下午12：00）
• 油麻地碧街54號地舖（出爐時間：上午11：30）
  何文田窩打老道69號地下C2號舖（出爐時間：上午11：30）
• 備註：全日供應，每人限購六個，售完即止。

開心果美食｜4.置地文華東方酒店品牌LMO Freshly Baked開心果曲奇

置地文華東方酒店品牌LMO Freshly Baked ，最近新推出開心果曲奇$40件（$188/6件；$368/ 12件），由酒店廚藝總監Richard Ekkebus主理，曲奇口感鬆化，內餡軟心有好香濃開心果味，面層仲有開心果碎碎，翻熱食好鬼正！

開心果美食｜5.元朗嘉發小食 大推加強版開心果雞蛋仔

元朗「嘉發小食」由兩夫婦經營，於2009開業至今，是不少元朗學生哥放學常去的小食店。小店一直提供各款創新小食，同時亦不時推出新品，包括加強版開心果雞蛋仔。加強版的開心果雞蛋仔先將開心果碎放型模具中烤香，再加入特製開心果蛋漿，最後再次加入開心果碎。成品食落充滿堅果香，軟熟的雞蛋仔配合脆口果碎，口感層次豐富！

開心果美食｜6.森林麵包 全人手捲製開心果蛋卷

牛頭角街坊人氣港式麵包店森林麵包，最近開心果蛋卷好受歡迎，經常一推出就沽清，開心果蛋卷全部都是師傅人手捲，再逐一唧開心果醬，外層香脆，有香濃的開心果味，咬落好鬆化，層次豐富，建議提前在網上預購！

開心果美食｜7.人氣麵包店品穀開心果流心麻糬

本地手工麵包店品穀，由藍帶畢業的兄弟主理，主打每日鮮製的無添加天然麵包及甜品。最近於太古城再開分店！推出全新開心果流心麻糬包，麻糬包口感煙韌，濃郁的開心果流心內餡加埋開心果粒粒，層次豐富，一推出就迅速沽清，開心果控一定要試！另外仲有全新開心果布甸金寶撻，撻底在開心果碎中混合了杏仁奶油，為香濃堅果加入淡淡香氣。而撻中則加入法式燉蛋(Crème Brûlée)及開心果甘納許，食落香滑富蛋香，開心果味香濃，最後頂層放上牛油金寶粒及開心果碎點綴，濃郁堅果香，口感鬆化，勁正！

開心果美食｜8.純素烘焙店TheCakery開心果流心蛋糕

人氣純素烘焙店TheCakery主打為不同場合定製的慶祝蛋糕、 復古蛋糕以及各式豐富多樣的甜點。新推出的純素開心果流心蛋糕，開心果海綿蛋糕包裹著開心果碎和流心開心果醬， 外層以開心果忌廉和開心果碎作點綴； 一切開澎湃的開心果醬瞬間湧出，入口濃稠香滑， 濃郁的開心果味與絲滑口感交織，必定令開心果控回味無窮！

開心果美食｜9.傳奇烘焙麻糬開心果布甸！$12/個 100%開心果醬製

本地自家品牌傳奇烘焙推出麻糬開心果布甸包，麻糬波波外皮口感煙韌，布甸入口滑順，價錢親民，開心果味仲好濃郁㖭！麻糬波波外皮口感煙韌，帶少少酥脆。選用法國製100%開心果醬製成，入口滑順，開心果味好濃郁，甜味適中！盒裝$24/2個，平均$12一個。價格合理。不過開心果味的大小相比普通布甸細，是正常Size的一半左右。

開心果美食｜10. 旺角爆紅$9開心果麻糬波波！12款口味：脆皮OREO/紫菜肉鬆

旺角最近人氣爆燈的麻糬波波專門店，幾乎每日店門都大排長龍，十分誇張！記者平日2點多到店，已經有逾20個人在排隊等候，認真誇張！不過等候時間約15分鐘就買到，惟已有部份款式售罄，想食到真係要早啲買啦。麻糬QQ球6粒成一盒，口感煙韌彈牙，最平$7粒。

• 店名：Fresh Fresh Bakery 簡品堂
• 地址：旺角東站MKK1號鋪

開心果美食｜11.爆紅糖水舖「研香」必試招牌：開心果豆腐花

爆紅糖水舖「研香」由網店轉戰實體店，去到現在再開第2間分店，進駐將軍澳！新店除了繼續供應糖水外，仲有必試招牌開心果豆腐花同開心果latte !

• 餐廳：研香
• 將軍澳店：將軍澳寶琳運亨路1號新都城中心一期G樓G28號舖
• 尖沙咀店：尖沙咀厚福街7號地舖

開心果美食｜12.爆漿開心果金莎朱古力

關注組大推！本地開心果手工專門店推出爆漿開心果朱古力，一盒9粒，重料選用痴滿開心果碎嘅紅寶石朱古力及自家烘焙研磨開心果醬製作，食落甜而不膩，超濃郁爆晒漿！

https://www.instagram.com/reel/C4akWA3vsXm/

• 店舖：PISTACIA BROS CUISINE 爆漿開心果朱古力
• 價錢：$178/盒（9粒）
• 電話及WhatsApp：5703 4413
• 建議預先訂購，現貨請自行向該店查詢

開心果美食｜13. SOFT THUNDER灣仔旗艦店：開心果Unicorn Puff+開心果latte

多款堂食限定的新品「Crème Caramel Danish」，更有開心果牛角包、Unicorn Puff，打卡之選！全新飲品系列的咖啡與本地咖啡烘焙品牌 ROASTWORK 合作，推出SOFT THUNDER 自家拼配豆，偏向 nutty 及帶有可可、榛子風味，更有開心果味的Latte，以 100% 全天然開心果醬製作味道香濃！

• 餐廳：SOFT THUNDER
• 地址：灣仔皇后大道東 31 號地下 B 舖 (靠近金鐘太古廣場三期，港鐵金鐘站 F 出口)
• 營業時間： 8am – 8pm

開心果美食｜14.太子米芝蓮糖水舖蘭苑饎館招牌自家製開心果糊＋開心果糕

蘭苑饎館在港開業已有近40年，是香港老字號，現以中式糖水做主打，更曾連續多年獲得米芝蓮車胎人美食推介！憑的除了是祖傳秘方調製的養生龜苓膠令店舖打響名堂外，當中馳名的開心果糊及開心果糕更是必試甜品，綠油油，香濃幼滑，開心果味道香濃！現時於太子及荃灣都有分店，大家經過一定要試啊！

• 餐廳：蘭苑饎館
• 地址：太子西洋菜北街318號集賢樓地舖
• 電話：2381 1369／2397 7788
• 營業時間：星期一 12nn-9pm
• Facebook專頁：lanyuencheekoon
• 備註：另有荃灣分店

開心果美食｜15.Tiramisu Lab 意籍大廚主理 30款味：開心果＋芒果椰子

Tiramisu Lab作為香港少有的Tiramisu專門店，成功由網店化身成一間實體店，曾進駐尖沙咀K11 MUSEA開店，最近搬至西營盤，Tiramisu共有30多款Tiramisu款式，包括開心果、玫瑰、黑森林、蘋果批等，小店沿用其家族的Tiramisu食譜，再加入創新配搭，務求令Tiramisu控一試難忘！

• 餐廳：Tiramisu Lab
• 地址：西環西營盤皇后大道西345號地舖
• 電話：6821 0095
• Facebook：Tiramisu’ Lab HK
• 網站：Tiramisu Lab

開心果美食｜16. Venchi特濃開心果意大利雪糕Gelato

Venchi人氣雪糕店主打意大利雪糕Gelato，特濃開心果口味以及店鋪招牌特濃朱古力口味曾引起雪糕關注組成員瘋迷，紛紛到店內排隊搶購，高峰時期更加日賣過1,000杯！不少網民在關注組分享，指Venchi的雪糕特別軟滑紮實，記者問過店方，原來關鍵之一，是店員裝雪糕時，會先用雪糕勺將雪糕不斷挖起並攪拌，讓空氣混入雪糕內，從而令雪糕口感更順滑，表面的紋路更有條理！

開心果Gelato採自意大利布龍泰開心果，口感幼滑，無奶成份更能突出開心果的濃郁香氣，鹹甜平衡得宜！店員推介，可配搭另一經典招牌雪糕口味75％特濃黑朱古力，朱古力濃而不膩，甜度偏低卻又不會過苦，果仁香跟可可香是perfect match！

• 餐廳：VenchiHK
• 地址：九龍觀塘區觀塘道 418 號 C-16 號舖
• 備註：設有太古、銅鑼灣、灣仔、中環、尖沙咀、旺角、九龍塘、東涌、元朗、沙田、將軍澳分店
• 電話：2337 1380
• Facebook：VenchiHK

開心果美食｜17. 太子麵包店Plus Bread！木系簡約風：開心果酸奶包

太子的一間麵包店「Plus Bread」，走簡約木系裝潢，主打多款新派組合的麵包，如開心果盒子蛋糕、味噌洋葱吐司、麻辣蟹肉棒鹼水Bagel、Scone等，款式多多，麵包控又多一個新地方掃包包啦！

• 店名：Plus Bread
• 地址：太子道西157號別樹華軒地下10號舖
• Instagram：plus_bread

開心果美食｜18.銅鑼灣藍帶餅師主理甜品店 開心果麻糬手工泡芙

本地小店Aw Patisserie推出多款開心果甜品，當中大推開心果麻糬手工泡芙，用上意大利西西里100%純開心果醬，外層是開心果菠蘿皮，酥脆鬆化，內餡有煙靭原味麻糬，加上香緹忌廉及開心果碎，口感豐富。三重開心麻糬芝士撻用上意大利西西里島、日本及美國3個產地開心果，搭配煙靭麻糬及自家手炒焦糖開心果粒，啖啖都食到濃郁的開心果。而特濃開心果蛋糕Jar由戚風蛋糕配以開心果慕絲、開心果果醬，上面鋪滿手炒焦糖開心果脆脆，果仁香氣濃郁，食落口感層次豐富，甜而不膩。特濃開心果MADeleine，蛋糕綿密濕潤，再加上開心果夾心，味道經典。

• 店名：Aw Patisserie
• 地址：尖沙咀K11 ArtmallB2層Kiosk1；荃灣德士古道166號德豐工業中心2座12樓11室 (自取點）
• Instagram：aw_patisserie

開心果美食｜19.人氣自家烘培小店手工製 香濃開心果雙層酥皮葡撻

自家烘培小店Bakerie.C人氣爆燈，每日工場新鮮製作甜品，當中必食香濃開心果雙層酥皮葡撻，蛋皮口感酥脆，蛋漿滑嫩香濃，表面炸至微焦，咬下滿口都是濃郁的開心果味，好滋味！

• 店名：Bakerie.C
• 地址：觀塘興業街14號永興工業大廈6樓C9A號舖
• Instagram：Bakerie.C

開心果美食｜20. The Queen’s Collection棉花餅有開心果味啦！

Lady M 全新推出全球獨家發售的The Queen’s Collection女王甜點系列—「女王的棉花餅八件裝禮盒」含多種口味， 其中最矚目的開心果棉花餅選用來自伊朗頂級開心果， 與法國高級白朱古力混合製成夾心； 絲滑細緻的開心果夾心載滿於棉花餅中， 濃郁的開心果芳香美味得令人難以置信。

開心果美食｜21. 西日Café「QUE」6分店推出開心果系列：聖代/拿破崙/豆腐沙冰

在香港有6間分店的人氣西日Fusion Café「QUE」，以近年大熱的開心果為創作概念，推出4款全新開心果系列甜品及飲品。

開心果美食｜22.荃灣開心果糯米糍關注組爆紅！大粒爆餡 日賣過2千粒

位於荃灣街市旁邊老字號粉麵廠憑著開心果糯米糍近來爆紅，更被開心果關注組力推！不少人特意前來購買，門市人龍不斷，糯米糍出爐不久很快就被搶購一空，有食客表示下午不足3時已賣光，超誇張。糯米皮大大粒，煙韌香軟，足料爆餡，一咬開滿滿都是開心果碎，口感十足，甜度剛好，大滿足！

• 店名：民豐粉麵行
• 地址：荃灣街市街35號（顯示地圖）
• 電話：2492 6860