長洲巴黎撻！紅馬海傍餅店 懷舊麵包舖！失傳巴黎撻＋忌廉筒｜區區搵食
廣告
長洲巴黎撻近期在網絡爆紅！大賣此巴黎撻的紅馬海傍餅店，位於長洲，店內的西餅與裝修同樣具有懷舊風味，售賣多款市面上罕見的五、六十年代西餅，例如幾近失傳的巴黎撻、工序繁複的忌廉筒、兒時必食的黃梅醬曲奇等，入到長洲不妨到場一試，買件當手信啦！
紅馬海傍餅店絕跡巴黎撻 長洲老字號餅店
入長洲搵食，不外乎長洲大魚蛋、芒果糯米糍，或在咖啡店慢活歎啡。不過除了街頭小食及咖啡店，這間在長洲開業多年的「紅馬海傍餅店」，也值得到訪。這間不起眼的老字號餅店內，藏有連香港市區都難以找到的懷舊西餅—「巴黎撻」，90後的人連名字都未曾聽過。巴黎撻原名叫巴黎撻蛋糕，因為不少人誤會它是蛋糕，所以老闆索性改名為巴黎撻。巴黎撻頂層為呈十字爆口的脆身蛋白霜，隙縫間看到焦糖醬，底層為牛油蛋撻皮包裹著牛油蛋糕。既是撻又是蛋糕，要做齊三層的口感，其實工序十分繁複，因此市面上已經很少見。
經典西餅忌廉筒＋黃梅醬曲奇
巴黎撻以外，店內也找到經典黃梅醬曲奇，兩塊曲奇夾雜著黃梅醬，外表看起來似玻璃曲奇般，晶瑩剔透！其次有同樣工序繁複的忌廉筒，呈三角筒形，包裹著牛油忌廉，外層灑上砂糖，鹹甜交雜，味道過癮！此外，紅馬海傍餅店還有多款西餅、蛋撻等，大家入到長洲不妨一試！
- 餐廳：紅馬海傍餅店
- 地址：長洲大新海傍路115號地下
- 電話：2986 9787
- 營業時間：星期一至日7am-8:30pm
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：IG@foodiesgm、IG@pandapanda_lee、IG@tungmuiloveeating、IG@epicurushongkong
