過江龍炸雞店│4重芝士火鍋 │邪惡感大滿足！│銅鑼灣食乜好

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Nov 25 2016

冬天終於來臨！這個星期天氣轉凍，火鍋癮又起了。銅鑼灣有間韓國名炸雞店最近推出4重芝士火鍋，融合了四種芝士，湯底香濃不過杰，識食一定叫多一客店內名物韓式炸雞，帶微辣的脆皮炸雞沾滿芝士湯底，吃下肚子暖苙苙，一次過滿足邊爐、芝士與炸雞三個願望！

撰文：Keith@廿四孝暖男 │ 拍攝：Him

4種芝士合一必吃拉芝年糕

炸雞店Sodam chicken是過江龍，在韓國當地有70間分店，相當猛料。年頭踩入香港，餐廳不是韓國店的快餐形式，所以坐得相當舒服。店內主賣炸雞，招牌韓式炸雞皮脆不油，放涼了仍脆口乾爽。而焗雞亦是必吃，比炸雞多肉汁，吃落不會覺乾淨淨，但若點芝士火鍋，記者建議選炸雞，因掛汁能力較高。

回到正題，今次的4重芝士火鍋，用上藍紋和金畢文芝士取其濃厚芝士味，還有巴馬臣芝士取其咸香，而水牛芝士則是取其可做到拉絲，方便掛汁。記者試過，發現湯底較坊間稀，掛汁能力不算強，但勝在芝味平衡，唔會一咪死咸。芝士火鍋伴隨一碟小食拼盤，內有豬肋骨、腸仔、薯條，農夫包粒、芝士和紫薯年糕及車厘茄。農夫包粒吸汁力特強，像響鈴般淥三四秒就食得，而當中芝士和紫薯年糕一定要上枱即食，因為店方已先炸過，令其內裡芝士流心，可以做出拉芝效果。