銅鑼灣$238韓式燒肉放題 任食火鍋＋炸雞＋即製窩夫！｜自助餐我要
撰文：Rice 攝影：Fion
銅鑼灣$238韓式燒肉放題
新派韓國餐廳 粉紅打卡位
韓讚Zzang本身主打新派韓國菜，有不少粉絲捧場，店舖設計走少女風路線，一入門口即可看到數個打卡位，如心形鎖、情人椅等，啱晒你哋同另一半一齊打卡，牆上更有不少少女風的裝飾，整個感覺更甜蜜！
銅鑼灣$238韓式燒肉放題 任食火鍋＋炸雞＋即製窩夫！｜自助餐我要
【自助餐我要】銅鑼灣韓讚Zzang最近推出韓式燒肉放題，除了可以任食6款肉類外，更有炸雞、冷麵、韓式炒飯任君選擇，不夠的話亦可加錢打邊爐，有龍蝦鍋和部隊鍋可選，啱晒一班大胃王！詳情：www.weekendhk.com/912040＝＝＝＝＝＝＝＝＝＝＝＝＝＝＝＝想全方位睇到新假期吃喝玩樂搵節目資訊！立即Follow埋IG：bit.ly/weekendweekly-ig新假期飲食邪惡情報群組：bit.ly/wwfood-fbgp新假期旅遊情報群組： bit.ly/wwtravel-gp＝＝＝＝＝＝＝＝＝＝＝＝＝＝＝＝【小店你好嘢】胡子彤粉嶺開鐵板燒 即炒台式牛肉＋蠔仔＋炒蜆 詳情：www.weekendhk.com/907848＝＝＝＝＝＝＝＝＝＝＝＝＝＝＝＝#新假期飲食
Posted by 新假期周刊 on Saturday, 23 March 2019
$238韓式放題 6款韓式烤肉專人炮製
韓讚Zzang主打韓式燒肉放題，肉類有6款可選，每款均是由廚師即叫即燒，再用鐵板呈上，翹埋雙手等食便可，啱晒懶人！店內的師傅均師傳韓國師傅，保證味道正宗，跟韓國所吃的味道相似。烤肉類有6款供客人選擇，除了有常見的牛、雞和黑豚肉外，也有牛仔骨、五花肉等肉類可選。每款肉類師傅會先用上洋葱、蘿蔔、雪梨醃整個上午，待有柯打時才下鑊燒，故味道肉香而帶甜味。記者最推介的是牛仔骨，肉味濃郁而肉質厚實，啱晒想大啖吃肉的朋友。
加$80 升級原隻龍蝦火鍋放題
左手吃火鍋，右手燒肉不是夢！吃完燒肉之外，店內還可任食火鍋，而湯底則有2款給客人選擇，分別是首爾龍蝦鍋和部隊鍋，2至5人可加配1個，而6-10人則可加配2個，記者最推介的當然是其龍蝦鍋，可不是只有些許龍蝦肉，而是用上原隻波士頓龍蝦，只需$80便可吃到！而且$80可不是每人加收，而是按桌計算，所以愈多人Share愈抵哦！火鍋配料有9款選擇，牛肉、魷魚、丸類應有盡有，絕對抵食！
18款韓菜任吃 人參雞湯＋炸雞
店內亦有不少韓國常見的地道菜式任吃，如有人參雞湯、泡菜湯、韓式炸雞、辣炒年糕等共18款菜式，每款份量亦絕不惹少，絕對夠飽。
韓式主食類選擇
韓式小食選擇
冷盤選擇
任食窩夫＋飲品
甜品雖然只有窩夫可選，但勝在即製且任食，啱晒甜品迷！同場也有8款飲品任飲，而當中更有2款啤酒，酒鬼們可以不醉無歸！
韓讚Zzang
地址：銅鑼灣渣甸街66號 Aura On Pennington 2樓(顯示地圖）
電話：2152 2883
FB專頁：ZZANG 韓讚
營業時間：星期一至日 11:30am-11pm
2小時放題價錢：星期一至四 成人$238、小童$168、長者$168；星期五至日 成人$258、小童$188、長者$188
備註：收現金及信用卡，設加一
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
