【自助餐我要！】銅鑼灣滿屋日式放題！新Menu：極速回本 即劏藍鰭吞拿＋磯煮鮑魚 刺身厚切肥美＋日本直送象拔蚌＋90款日式食品
記者：Joan@ww 攝影：Yee
銅鑼灣滿屋放題：即劏藍鰭吞拿
晚市任食時段分兩輪，分別是5：30pm-8：30pm及8：45pm-11：30pm，可任食3小時及2小時45分鐘，時間頗充裕！放題食物款式豐富，除了有一般的日式食品可落單Order外，更有自助區可自取食物，有凍海鮮、熱盤、小食和沙律吧，好像吃小型自助餐般豐富！
餐廳最吸引的是每逢星期二晚有即切即食的藍鰭或黃鰭吞拿魚，吞拿魚非常大條，要三個壯漢才可搬得動！吞拿魚一放出來即有好多客人舉起手機影相，好有氣氛！師傅會在自助區內即劏即切，歡迎大家拍照！記者當日去的是藍鰭吞拿魚，即切即食，還拿到大拖羅和中拖羅位！大拖羅油香多，中拖羅入口即溶且無筋，同樣吸引！大拖羅刺身在日菜店要近二百元才有三切，現在是任食，食三碟都足夠回本！
如果不是星期二吃放題的，現場雖沒有即劏藍鰭吞拿表演，但亦有師傅即切吞拿刺身，供應期至10月30日！
90款刺身、壽司、炸物、燒物任Order
自助區食物雖多，但記得大部分日式食物都要落紙仔Order！最受歡迎的刺身有整整11款，包括三文魚、油甘魚、大赤蝦和松葉蟹腳，厚切無雪味，質素不錯。最吸引的是新Menu有任食象拔蚌，聽店員說象拔蚌是由日本空運直送，非常新鮮！
炸物＋天婦羅
炸物也是必吃重點之一！芝士年糕軟綿煙韌，熱辣辣芝士爆漿湧出，好夠鹹香！想吃爆漿的亦可試試榴槤球和紫芋丸，同樣香口熱辣！芝麻雞翼大隻得來肉質都好Juicy。唯獨是乳酪棒的乳酪餡不夠多，有點乾身。天婦羅有4款，有大蝦、南瓜、大葉和日本番薯。
燒物：Juicy羊鞍＋大隻焗廣島蠔
燒物選擇OK，常見的羊鞍、牛舌、焗廣島蠔和鹽燒雞翼都有，即叫即燒，所以上枱都熱到出煙！
鍋物、料理：香甜雪花牛肉鍋＋避風塘炒蟹
日式料理和鍋物有雪花牛肉鍋、芝士或冬蔭功海鮮鍋、牛舌鍋、喇沙米線等，還有辣酒煮東風螺、蒜蓉粉絲蒸扇貝等。較特別的是有避風塘系列，用蒜蓉、辣椒、薑葱炒香，可選蟹、鴨舌、海蝦、雞軟骨或魷魚鬚，非常惹味！
甜品：燕窩燉蛋自取 任食Mega雪條
食完各款日式料理，記住留肚食甜品！有芒果腸粉、抹茶布甸可Order，自助區內又有爆谷機、燕窩燉蛋可自取。雪糕櫃最正！有Mega雪條可任食，曲奇、榛子、薄荷味任拎，每人還送一盒Mövenpick或Häagen-Dazs雪糕，好多款式！
飲品！廿款凍飲 清酒＋梅酒任拿任飲
飲品大多是自取的，有廿款包裝飲品例如汽水、果汁和茶品，熱飲亦有熱茶和數款奶類，選擇好豐富！亦有熱清酒和冰凍梅酒可任斟，酒鬼都照顧到！另外亦可剔紙Order特飲例如紫貝天葵白桃梳打、綠茶紅豆冰等。
滿屋日本料理（銅鑼灣店）
地址：銅鑼灣駱克道463-483銅鑼灣廣場2期8樓（顯示地圖）
電話：3622 3366
晚市放題時段(任食3小時或2小時45分鐘)：5：30pm-8：30pm或8：45pm-11：30pm
收費：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
