銅鑼灣食乜好 南小館全新升級概念店 精緻上海菜＋手作點心＋仙氣小炒甜品

提起上海菜，總不免畀人有少少舊式老土嘅印象，而「南小館」係近年專攻年輕同大眾市場嘅上海菜館，並以「新上海人、新上海菜」作為飲食概念。上星期佢哋再有新搞作，將銅鑼灣分店upgrade做「南小館PLUS！」，食到精緻上海菜之餘，仲有手作點心同多款消暑人氣飲品嘅「南小館PLUS」，為大家帶嚟糅合傳統上海菜同特色元素嘅上海點心同主食。

全新優化菜式點心 吸Like指數度高

PLUS有升呢同進化嘅意思，所以「南小館PLUS」今次特別推出全新「南」系列，以精緻點心小菜做招徠，由上海師傅團隊特別研創出全新「南」系列，幾乎每道賣相都非常搶眼吸睛，同時充滿傳統或新派上海菜味道，重點推介有五彩小籠大滿貫、招牌老壇酸菜魚（期間限定），又有冰鎮咕嚕肉、荷塘月色（鯉魚年糕）、高高興興（糕點拼盤）等以乾冰營造煙霧瀰漫，非常啱打卡吸Like嘅「仙氣」小炒同甜品，為傳統上海菜添上一陣玩味，一齊睇吓有咩重點推介！

新店下午茶優惠新驚喜

而家只要喺下午 2:30 至 5:00期間幫襯，仲可以二人同行價$78，享用到CP值勁高嘅「plus 悠閒下午茶」，包括有鳳尾蝦卷、蒜香單骨雞 翅、芒果鮮蝦沙律脆筒、迷你朱古力撻、法式馬卡龍、鮮芒果凍布丁、抹茶凍布丁同怡神茗茶，啱晒情侶同BFF孖住嘆呀！

南小館PLUS

地址：銅鑼灣軒尼詩道 500 號希慎廣場 12樓1201號舖

電話：2648 2299
營業時間: 星期一至日 11:30 – 22:30