＄100食支甜筒！？i CREMERiA賣 金箔雪糕 |銅鑼灣食乜好|
廣告
香港地的甜品雪糕雖然愈賣愈貴，但依然有價有市，大有捧場客在！不過，近期著名日式甜品店i CREMERiA，竟過份到推出$100一支甜筒，究竟何方神聖？原來是帶來了日本金澤名產「金箔雪糕 」。金箔雪糕 顧名思義，也就是在牛奶雪糕上放上一整片金箔，日本人相傳具有美肌效果，不過筆者就覺得講咩都假，實情是呃Like大於一切！
撰文：Jeff│攝影：Him
金箔雪糕 製作全曝光
金箔雪糕 的製作，用上厚度只有萬份之二毫米，含金量達到99%的日本食用金箔，每塊都由巧手工匠將原塊金葉捶打五萬回而成。色澤璀璨奪目，賣相吸引。金箔底下，是北海道牛奶雪糕，而裝著金箔雪糕 的則是自家製的窩夫筒。
金箔採用純金作為原料，純度高，據店家說有助平衡體內之酸鹼度，促進新陳代謝，提升腸臟健康，達致美肌效果。由於極薄，因此每次都要由店員小心翼翼夾到雪糕上。
雪糕潔白如雪，以北海道牛奶製作，奶味濃郁，甜美無比。
記者實試 理想 v.s. 現實
記者親身去試過金箔雪糕 ，賣相其實都與宣傳照有9成相似。金箔基本可以包住雪糕，惟雪糕沒有宣傳照那樣飽滿，但其實都夠食有餘！
食金箔雪糕無非為影相呃like，不過最佳拍攝時間只有約1分鐘，因雪糕沒有添加劑，溶得較快，金箔會在約1分鐘內黏在雪糕上，不斷跌watt。
味道方面，金箔其實下得夠多，所以仔細品嚐的話，會有丁點金屬味，而雪糕奶味雖夠，但感覺有點偏甜！
i CREMERiA Dolce Giapponese
地址: 銅鑼灣軒尼詩道555號崇光百貨B2樓15號舖(顯示地圖)
電話:2831 3960
營業時間: 星期四至日:10am-10pm; 星期五至六:10am-10:30pm
備註: 1. 純金北海道牛奶雪糕只在崇光百貨店有售。
- 不設加一，收信用卡、八達通
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
