尖沙咀金二少冰室！日賣近千支奶茶 新派茶記熱賣：熊仔冰奶茶／爆漿西多
尖沙咀金二少冰室 由健身教練變成金茶王 機緣巧合跟前茶王學師！
尖沙咀的金二少冰室由爸爸Raymond和仔仔Issac主力經營，從「冰室」二字就猜到餐廳走新派茶記路線。爸爸Raymond原為茶記老店金大班的店主，擁有超過30年的沖奶茶經驗。而Issac為金家二子，從小已經會到店幫手混茶葉，對奶茶有初步的接觸。到加拿大回流後，原本為健身教練，但因為早年受疫情影響，健身室關閉，因此唯有到爸爸的茶餐廳幫手，更在機緣巧合之下，遇到金茶王師傅到店。由於2人年紀相若，因此彼此十分投契，Issac後來更決定向茶王拜師學藝，成為接觸奶茶的契機，他更於2021年國際及大灣區金茶王大賽中得獎添。
由健身教練到金茶王，當中需要很多堅持和毅力，單單是一杯令自己滿意的奶茶，已經要花上一年多的時間才做到，直至現在，除了奶茶試味外，Issac表示「我到現在不會飲奶茶，每次飲一兩啖已經夠，已經驚了奶茶啦！」
日賣近千支自家製樽仔奶茶！6種斯里蘭卡茶葉＋2款奶沖成
餐廳其中一款皇牌產品當然是「樽仔奶茶」，高峰時期可以日賣近1,000支，受歡迎的程度絕對驚人！店子目前共有6款奶茶，分別有原味奶茶、特濃奶茶、少甜奶茶、玫瑰奶茶、鴛鴦奶茶和泰式奶茶。餐廳的奶茶配方是由20年前父親Raymond流傳至今，特意選用6種斯里蘭卡茶葉沖成茶底，每次會用92-95度熱水沖製，再撞茶約3-4次。最後加入2款混合奶：直脂和全脂奶，店子的招牌奶茶便誕生了！Issac補充：「因為混合奶和我們的茶葉味道是天衣無縫的，可以撞出最香和茶味最濃的配搭」。
店子的奶茶味道香濃，茶味相比奶味更為突出，入口質感偏厚身但同時保持順滑。而樽仔奶茶更有迎合到不同客人的口味，如少甜配方是不少時下港人都喜歡的味道，另外玫瑰奶茶先飲到奶茶濃厚，後有陣陣花香於味蕾淡出，層次十分豐富！
影相打卡必點：熊仔奶茶冰冰／一夜暴富劉華多士／瀑布芝士漢堡
除了奶茶外，餐廳更推出滿滿視覺系美食，推介造型感爆燈的「熊仔奶茶冰冰」，以純奶茶底製成可愛立體小熊，熊仔會乖乖坐在杯內，客人可以自行倒入奶茶，浸著奶茶浴的小熊睇得又飲得，成功俘虜到不少客人的歡心！還有爆漿部隊漢堡，走經典港式漢堡路線，配上漢堡扒、荷包蛋、青瓜、蕃茄等，再淋上半溶芝士醬，切開中間仲有半流心蛋液，整個組合邪惡又令人慾罷不能啊。
推介招牌「一夜暴富劉華多士」，厚厚的西多士中間加入激流心的甜煉乳，一刀切開，中間流心即時湧出，畫面可以用澎湃來形容！表面再加入可可脆格和港式麻雀裝飾，加上盞鬼的名字，第一時間令記者聯想到劉德華主演的電影《嚦咕嚦咕新年財》！
小店的樽仔奶茶除了在餐廳內有售之外，同時在city’super、Market Place By Jason亦有上架。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
