重溫首爾滋味 跟劉大蔚食靚 韓牛 ＠Dining娜
廣告
有無人同 Dining 娜一樣係韓粉？特別係韓劇，之前一套《太陽的後裔》直情迷到中哂毒，仲專情去左首爾追蹤Oppa⋯⋯食過個間烤肉店「喜來稀肉」！其實呢間烤肉店喺韓國已經有200幾間分店，仲開咗好多海外店，香港當然唔例外！今次就去咗開業兩周年嘅荃灣試近年大熱嘅 韓牛 ，仲有買一送一酒水，真係輕易飲飽食醉！
（Presented by 喜來稀肉）
韓牛 0係韓國係上等貴價菜，大時大節或者請客食飯先會order，喜來稀肉$588已經有個韓牛套餐，有齊4個不同部位，包括牛外脊肉、牛梅花肉、牛頸肉及牛外腹肉。呢4個部位都好講合烤肉，油香與肉香兼備！Close up 睇，肉與油脂比例平均，形成極靚雲石紋，燒烤後油香十足！韓牛牛味夠濃，有油香，肉肉質細緻鮮嫩，不但無日本和牛咁肥膩，又無美國牛肉嘅騷味！
同行嘅友人唔食牛，我哋就另外order咗「壹頭豬」set，除咗包最出名嘅護心肉外，仲有五花肉、豬頸肉、豬大腸及豬皮。主打嘅護心肉係橫隔膜與肝之間嘅筋肉，一隻成年豬隻就只有200至300克護心肉，夠哂矜貴！燒完後咬落很爽、好有嚼勁，愈食愈香。小編就特別鍾意食烤豬皮，放係鐵板上輕輕烤至微脆，咬落脆脆地，仲好重膠質，食完直情覺得自己滑溜咗！ （害羞～）
烤肉以外，我吔仲點咗2個湯 － 大醬湯同豆腐湯。大醬湯材料豐富，蟹、蜆、牛肉統統齊哂，酸辣鮮甜兼而有之。淡紅嘅豆腐湯加入韓式辣粉，大塊的豆腐豆香味濃，平衡咗微辣嘅湯底。
煎得夠乾身，又有蔥香味，唔錯！
口感軟糯有嚼勁，味道調得都幾辣，又要辣又要食，好過癮！
食烤肉，當然唔少得飲韓國燒酒，好多人都鐘意飲真露，不論係原味抑或水果味都好易入口，口感唔辣！當日食嘅荃灣慶祝開業兩周年，所有酒水買一送一，抵上加抵！聽講優惠做到12月23日，鍾意飲嘅朋友注意喇！
燒酒以外，果汁都係買一送一，唔飲酒嘅都無蝕底！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
