茶記新玩意!! 20吋腰 送餐機械人 |旺角食乜好|
廣告
噱頭日日有，想不到連茶記都玩到盡，引入 送餐機械人 ，Hello Pinkey立刻去現場視察，果然有位條腰可能幼過王君馨的「女侍應」在忙，兼與粉絲合照，我都坐低食下午茶，並跟機械人做「訪問」。
撰文：Hello Pinkey | 圖片：Him
外國和內地都先後有 送餐機械人 出現，香港是第一次，即刻看看其來頭！
送餐機械人 咩來頭？
－來自「深圳機械人工業國」
－價值9萬元人民幣
－餐廳有兩隻機械人，一隻門口當知客，一隻在店內送餐。
－地下磁帶引導前進
－食物準備好後，普通員工就會把食物送上機械人的餐盤，由電腦控制送往指定餐桌。
機械人有眼無耳無鼻，無口但會說話！
機械人把食物送到客人面前，客人自行取走食物後，輕拍她手旁的按鈕，她便轉身走。
機械人跟地下的磁帶前行，老闆指兩個月後應該會棄磁帶，在天花設感應器，屆時感覺更像真。
老闆還誇張地為機械人做好職位申請表，更表示會搞改名比賽，勝出者會得$5,000現金及價值$5,000的機械人1隻。
勝出者會得以下小機械人1隻。
餐廳有乜好食？
此茶餐廳位於旺角，常餐索價超過$50，如果為機械人而來，推介大家試下午茶，優惠較多，包括$28的脆皮BB鴿、$18/4隻瑞士雞翼，又有坊間少見的黑芝麻醬或核桃醬豬仔包。
炸乳鴿皮薄肉嫩，下午茶食一隻夠爽。
瑞士雞翼挺入味，想最抵食一定是下午茶柯打$18/4隻的雞翼。
黑芝麻醬和核桃醬皆香口，後者有點似花生醬。
金旺餐廳
地址：旺角砵蘭街163-173號萬新大廈地下A, B及C號舖 （顯示地圖）
電話：3188 0701
延伸閱讀
邊款壽司先最肥!? 壽司卡路里 逐件計 |Food Wiki|
**如果你都鍾意周圍搵好嘢食，就快d like Hello Pinkey周圍食 呢個專頁啦！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
