跟財爺搵食！全球8架變形Food Truck！
廣告
財爺曾俊華今日宣讀最新一份財政預算案，其中一項措施係研究將外地流行的美食車引入香港！雖然真係唔知交通問題嚴重，道路窄又無任何配套嘅香港做唔做到好似美國咁成街Food Truck！
不過都可以先參考以下外國的變形Food Truck，由消防車到太空船改裝都有，淨係架車本身經已吸引到你去食啦！
1.古董雙層巴 賣環球Fusion菜（出沒地區：美國伊利諾伊州布盧明頓）
由1958出產的英國古董雙層巴士改裝而成，絕對滿足到經常在搭巴士途中偷食麥當勞Bell chan的你，此food truck大賣環球Fusion小食，不時會轉換新食品。
2. Snowcat雪中送墨西哥卷（出沒地區：美國加利福尼亞州猛獁山）
去過加利福尼亞州猛獁山滑雪的朋友都應該見過，以Snowcat（雪地履帶車）改裝而成，大賣熱辣辣墨西哥卷！
下頁續 三輪車 賣狗餅
3. 三輪車 賣狗餅（出沒地區：美國紐約）
兩姊妹覺得家中狗狗愈食愈肥，於是決定自製狗狗美食，整下整下仲改裝三輪車，成為係狗都知的街頭美食！
4.烈火雄Pizza（出沒地區：美國南加利福尼亞州）
唔知店主係咪太鍾意睇烈火雄心，將消防車改裝成即製Pizza的Food Truck，仲成日俾食客cosplay消防員扮下王喜咁，如果焗爐著火係咪自己搞得掂？
6. 水陸兩棲雪糕船（出沒地區：英國倫敦）
可能店主成日搭船個時口啖啖咁，就將呢部水陸兩棲船改裝成雪糕船，如果有埋香港雪糕車嘅音樂，應該好多人會係天星小輪跳海游去買。
The World’s First Amphibious Ice Cream Van
下頁續 玻璃貨櫃 1600磅流動烤爐焗Pizza
7.玻璃貨櫃 1600磅流動烤爐焗Pizza
呢架玻璃貨櫃車絕對唔惹小，流動搬運1600磅燃木烤爐為大家即製Pizza，專業程度遠勝其他food truck！
8.太空船Cafe
上年網路上就出現呢架太空船…Cafe！係Ebay公開拍賣仲經已賣出，但暫時就未有人搵到佢係邊到出沒，希望到時有巴斯光年食啦。
其實講到尾，如果政府肯留意同埋幫助香港各種地道小食文化，唔好呃殺小販的生架空間，餐唔餐車又有咩所謂呢？
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
