赴韓學甜品 巨型 芭菲 當飯食 【荃灣食乜好】

最近荃灣有間韓式甜品 Café 開張，門面同餐牌都與元朗白色雪花之公主有幾分相似，不過就有更多選擇，聽店員講 lunch time 有不少學生、街坊來吃甜品當午餐！原來總廚曾飛到韓國跟韓籍廚師學整甜品，賣相十足在首爾吃的一樣！刨冰機從韓國運到，打出的冰比雪花幼細，加奶和忌廉，牛奶味極濃，質感綿密，上面 topping 選擇多，份量大到可以兩三個女仔 share！ 芭菲 也是大大杯，有齊忌廉、雪糕、酸乳酪、粟米片等，夠晒飽 肚。其他韓式甜品例如爆谷雪糕、韓式年糕多士及自家製蛋糕都 好受歡迎，更有小量意粉及包類。店內有多款小遊戲及卡 game 可以拎埋位玩，年輕人 gathering 又多個選擇！