Pane e Latte情人節推出巨大化紅桑子朱古力酥＋粉紅牛角包及冬甩

赤柱麵包店Pane e Latte情人節新推巨大化紅桑子朱古力酥

Pane e Latte意大利麵包店於2021年進駐赤柱，佔地2層，因粉紅歐陸風格調，吸引不少港人打卡！餐廳自設烘培場，每日提供新鮮出爐的牛角包、意大利冬甩、甜品及全日早餐，最近適逢情人節的到來，2月將會推出全新「巨型餅品」系列，首個登場是巨大化紅桑子朱古力酥(Raspberry Pain au Chocolat)，size巨型浮誇，有兩個人頭咁大，拎上手仲好重𠻹！巨型紅桑子朱古力酥每個$198，更附送一杯巨型Cappuccino一同吃，畫面打卡度極高，女朋友放上ig一定夠哂呃like！

情人節限定粉紅牛角包＋$328任食澳洲肉眼

除此之外，餐廳2月亦推出全新口味雙重漿果牛角包、丘比特意大利冬甩、曲奇雲尼拿牛奶咖啡及士多啤梨牛奶咖啡，全部都以粉紅色做主題，浪漫打卡，供應期為 2 月 7 日至 16 日。另外除了上述全新系列及情人節限定產品，餐廳亦推出全新下午茶套餐，只需$198 便可享用各款精緻美點；又或選一個週五晚上，點選 「牛扒之夜」，每位$328即可無限量任食鮮嫩澳洲肉眼、酥脆薯條及田園沙律。