【出街搵食】韓式炸雞放題$98！任食5款口味｜觀塘韓國菜
廣告
韓風吹到香港已有一段時間，炸雞依然都是較受歡迎的食物類別。最近有觀塘韓國菜餐廳新推出「韓家炸雞90分鐘瘋狂任食」放題，包括五款口味的韓式無骨炸雞，每次下單均是即叫即炸，足夠新鮮熱辣！另有泡菜煎餅、辣炒年糕和雜菜沙律同樣無限任吃，最適合放工放學後叫上三五知己一起邊吃邊聊天！
撰文：凱廸 ｜ 攝影：Lam
觀塘韓式炸雞＋小食任食
店家指炸雞全部選用巴西雞髀肉，即叫即炸，炸完再立即起鑊翻炒上汁，而醬料均由韓國直送，再由店家調配。一碟炸雞約六件，味道可選傳統甜辣汁、柚子蜜糖汁、醬油香蒜汁、牛油蜜糖汁和辣汁芝士味。
任食沙律、泡菜煎餅、辣炒年糕
淨食炸雞可能會膩，於是店家亦同時供應小食，無限任食泡菜煎餅、辣炒年糕和雜菜沙律。當中的泡菜煎餅更是店內人氣第二高的餐點，煎得夠香，用料又足，咬下去啖啖都是泡菜！
另有韓式下午茶$32起！
除了炸雞小食放題外，餐廳亦設有下午茶時段，以韓國菜來說，價錢都算抵食。套餐選擇都不少，輕食可選韓式炸雞年糕配沙律，想食飽一點亦可點烤肉飯、炒粉絲等。 逢星期一至五下午二時半至五時供應，星期六、日的供應時間則是二時半至四時。
韓家 －韓國家庭料理 한가 Han-Ga
地址：觀塘駿業街56號中海日升中心1樓G號舖
電話：5174 3398
炸雞小食放題收費及供應時間：
星期一至日每晚6pm後，成人$138/位，12歲以下$78/位
星期六、日12nn-5pm，成人$98/位，12歲以下$58/位
兩個時段均連一杯飲品，加$15可轉飲品任飲（任何一款飲品，不包括酒精類）
備註：放題設加一服務費
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
